河上鄉

1.11.2009

終於何生肯同我去河上鄉啦！去到真有d後悔，見到勁多旅巴，超級多人！

豆品廠比想像中易去！但人頭湧湧，真係有d驚！比左兩個人錢$16，就先飲豆漿，因無咁多人嘛！估唔到係凍架！都好好味！但同之前睇阿蘇的好唔同，之前明明有好多檯椅可以坐架！依家個個都只得個企！之後發現話只提供外賣！

為左快，又來到！所以一路飲豆漿一路排隊取豆腐花！想了想..如果我地想慳，應該叫買一個碗，咁就可以仲抵！

你睇...鬼死咁多人！

今日戴左何生係會展買的錶！d function多到我覺得同baby G差不多！

豆腐花糖水有薑味架！好鍾意，又不太甜！不過..好熱！仲可以加黃糖！

最後我地兩個一共食左三碗豆腐花，四碗豆漿(其中兩碗倒左落我水樽內)！

之後順便行埋去濕地公園啦！講真..幾失望！d野見完唔想玩！唔係因為人多，而係覺得好污糟！都係等去紐西蘭時先玩啦！

大家見到好多錦鯉係咪覺得好似好開心呢？其實..上面有班人係到玩緊大波波！我地兩個都覺得好恐怖，明明係一個魚塘，又繼續養魚，但同時上面又做緊另一樣生意，d魚真係好慘！我估...我唔會再來呢到！

臨走係豆品廠買了一堆豆品製品返家，其實未試過架！但Cat姐話好野！咁咪買一堆試下啦！