網誌分類：Jo講模型 |
圖片
網誌日期：2010-02-08 23:03
好開心呀! 今日就係期待已久的2010 Blog友笑笑團啦!
今次我準備充足, 帶齊裝備! 可是天公不造美, 出門時正"落狗屎"!
勁大雨....可憐的我在街上等左3個字的士都上唔到車...
眼見自己隻模型濕哂之餘, 仲要連比人搶左2架的士! T_T
好彩最後我都上到車...不過去到城大路口又塞左成2個字先入到黎....
嗚..嗚....幾經辛苦終於入到去...但又搵唔到場地..><
我一定是餓到癲左....行極都係錯...
最後要靠華佬大人接我進場...
呼...........
我終於.........
來......
到......
了......
"我黎到啦~>3<
一開始唔係好多人~
中午之後~人開始多了~!
與神及照~!XD 要哂8R!
大明星華佬~好多小FANS 搵佢簽名呀~!
我都有!? 順手JE....順手JE....XD
難得龍飛大兄又黎探我地~ 點都要捉佢黎影番張啦!
PS. "打" 好關係佢先唔會寫臭我~XDDD
所以我見佢一獲打佢一鑊!XDD
森哥都好比面呀!!
TOM TOM 同豪三子要走先~~我地2個送客~!!
睇下團長個咀形~就知佢讚緊我件作品:
"GOO...GOO....GOOO.......GOOOOOOOD! "啦~!哈哈哈哈!! (設計對白)
D小朋友聽得好入神呀....
團長! "傳宗接待" 的重要任務就靠你啦!
註: "傳宗接待" : 傳遞BLOG笑笑團的宗旨及接待來賓! XD
當日有幾開心? 睇下KAKU神個笑容就知道啦~!
抽獎時間! ^0^
-----------------------------------------------------------------------------------
以下係COPY 自不同人士的圖片, 希望作者批准啦! THX!!
非常大雨...T_T
指示唔清晰呀! 我搵左好耐都搵唔到 T_T (<---明明係自己廢...XD)
我真係覺得....
"我地有一班專業的團隊為你服務" 辛苦哂咁多位! >3<
KAKU 神正講解 "我係KAKU" XDD
WOW~~~2位前輩好受歡迎喔!!!
到我出場~! (多謝幫我影相的朋友~! >3<)
今次我講 情景地台製作, 場地很大~ 所以聲音好散
我好努力大聲地說了....到最後口水都乾埋....咳...咳..咳...
一共講左20MINS, 效果比想像中好~ 大家都好有耐性地聽解說
而且問左好多問題, 希望我的講解大家明白啦 ^^
好在有準備顏色~ 可以即時做一次~
最後順利完成! 有D咩野講得唔好~請大家多多包涵啦! ^^
BLOG友幫我影的~ 多謝!
我自己都唔記得影 T_T
這一段我MISS了..好可惜, 好彩後來作者都肯了答我的問題~
又學到野了! 多謝多謝!^0^
我都好想抽呀..........T_T
你睇下大師可以同我合照~佢幾開心~XDDD
不行啦~~~夢大師太帥啦~~~再看會暈~XDD
呀~~:) 拍出來好有層次呢~!
大合照時間~! 今次有我啦! ^^ YEAH!
地方好大呢......
2011年再見啦各位!
---------------------------------------------------------------------------------
好! 2010 BLOG友笑笑團 PARTY 正式開始!
今晚飯局去左大角咀的一處...食川菜
話說本小姐真係唔食得辣, 但當時D菜竟然係愈食愈辣
天呀........不過! 通常玩得開心~就辣一辣都冇所謂啦! 哈哈哈
團長今次好醒目! 帶左我地去一處嘈一嘈都冇問題GE地方~
唔洗驚比人啤!XDD 包左一間房~ 地方唔係十分靚~
但我鐘意這種環境! 夠暢快! 成班人熱熱鬧鬧不知幾開心!
不過太開心通常都會唔覺意原形畢露~哈哈哈!
總覺得飯局才是我最期待的時刻~哈哈哈....
襯自己仲清醒寫下D感受先~ 下年睇番都會覺得好回味 ^.^
等左一整年的笑笑團咁就結束左啦, 今年是非常開心的, 其實上年我覺得自己在分享時間講得唔係幾好, 諗番都仲覺得有D唔順咁, 不過經過今日~條氣順番哂~ 哈哈! 準備作品....準備分享內容.....準備月曆...準備場地...大家好似準備左好多野, 單睇一日好似冇咩特別咁, 但今年多左了解你地做野的方式, 就覺得搞一個活動, 真係唔係咁易, 而且個個都肯出錢出力, 真係好難得! 在2月7日來到之前的一個星期, 我都有點難以入睡, 好期待當日的來臨, 一合埋眼....就會諗果日講D咩好....著咩衫好....拎咩野去....記得"差"定電.....帶定筆比人簽名 (其實我都想要一個簽哂名的月曆 ^^" 不過當時見咁多小朋友去搵人簽.......反而唔係幾好意思= ="""哈哈哈, 最後我都係冇比人簽到) , 總之對這一天真係滿有期望! 果然冇令我失望! 玩得好開心! ^^ 睇見D作品咁靚, 有時都好想同作者講~ 哈哈...不過我冇咩形容詞, 除左好靚同好勁我都唔知同人講咩好~HAHAHAHA!! 見到好朋友都到場又覺得好開心, 難得咁齊人可以聚埋一齊~ 尤其係龍飛呀~ 好難先見得到佢~XD 所以我都把握機會捉住佢吹下水~ 下一次見佢可以又幾個月了!
興奮的心情直到第2日都仲未完, 成日就等人UPLOAD相, 睇下有冇人出POST~!
睇番上年, 初初認識大家, 感覺好新鮮, 由於我好多時都唔認得人, 所以今次感覺, 都仲有新鮮感存在! 哈哈哈!!! 希望下年我都仲可以KEEP到這團火啦!
努力完笑笑團, 係時候開始努力電擊吧! 就等這團火一直燃燒吧!!!
以下去送給團長的神位!XDD
PS. 打好哂D 字無啦啦冇哂! 又要重新整過!!!!
PPS. 大頭生日~祝佢生日快樂! >3< 孩子的爸爸!
今日係 Blog 友笑笑團 2010 嘅舉辦大日子！！！ 小弟不才只能完成一只首辦密密 ( 改左少少野 )~~ ......
dreamlady (3).jpg
dreamlady (2).jpg
dreamlady (1).jpg
Johnduke 島主 2010-02-09 23:50
JoannaKing2010-02-10 00:48
ball_kei 2010-02-09 21:14
當日皂n拿妹妹你的情景地台製作講座準備得好充足
, 真係好有用啊!! 聽後真係想動手造一個呢.
讚!!
JoannaKing2010-02-10 00:49
不過大家明白都真係好安慰~ 你都快手d整啦!等睇你大作!xd
蟻仔 2010-02-09 20:40
我報名食飯先…唔知有冇我份呢？！
唔關我事嫁，係團長…唔係係已故團長指示的……
呢篇講得非常之好，又可以回味當日的菜餚又可以回味當日的景像真好，唉！我就到依家都未寫個出住，因為我多數都會係公司寫呢兩日都唔知做乜鬼都鬼死咁多野做…
JoannaKing2010-02-10 00:15
haha!!!等我擇個吉日出個post!~ 到時你黎報名啦! XD
應該下個星期左右~ 睇下夾唔夾到時間吧!
你多野做嗎~~我開始放假了!哈哈 星期一我都休息左成日...
玩完真係成身散哂....但個心仲係好雄!XD 諗起當日都開心野都仲識笑~XD 死啦玩到上左癮 tim...哈哈哈
紅色惡夢 2010-02-09 17:23
JoannaKing2010-02-10 00:03
你又博隊?
JKL 2010-02-09 13:37
JoannaKing2010-02-09 13:40
10幾個JA~XD 再多就要企位~哈哈哈
JKL 2010-02-09 12:32
JoannaKing2010-02-09 13:13
的確係令人回味的一晚~
放心~我地的開年飯都會同樣回味~! 快D擇個吉日上黎我WS打邊爐啦!XDD
青 2010-02-09 11:33
JoannaKing2010-02-09 13:12
再下年到佢~XDDD 要靠大家推佢上位啦!!!
tempo 2010-02-09 10:16
好用心的一遍呀~~細味品嚐妳地各人當日的興奮感受.
亦都興幸沒有參與晚飯,我一飲就訓..
JoannaKing2010-02-09 13:11
我都好回味當日的情節~ 有時諗起佢地d對話都會會心微笑~xd
ps. 訓左唔驚wo~ 我地有車~XDDD
玩具熊貓YAYA 2010-02-09 07:01
皂n拿真係俠女黎! 功夫(畫野)厲害之餘又勁飲得!
JoannaKing2010-02-09 13:07
Mr.B 2010-02-09 01:57
JoannaKing2010-02-09 02:36
其實我邊係咁豪氣丫~(仲好溫柔tim~ )
最衰係蟻仔! 襯我唔為意係咁幫我添飲! 有陰謀呀佢!!!XDD
crabchiu 2010-02-09 00:59
JoannaKing2010-02-09 02:37
我覺得個主要原因係前面D模型,
得幾隻....人咁多,模型咁少~XDD 應該一係唔影, 一影要影多D~
KTKC 敵 2010-02-08 23:14
JoannaKing2010-02-08 23:26
咁快D比媽咪睇下啦~
話你搵左個靚姐姐幫你簽名~!!!XD
KTKC 敵 2010-02-08 22:32
JoannaKing2010-02-08 23:06