話得青年營, 緊係有幾個咁上下老的導師帶住一班年青人去 camp 啦, 而我, 就係有返咁上下老的導師喇....哈哈~~~
真係唔好講笑, 通往 camp site 果條長命斜, 上左去命都短幾秒..... 因為 camp site 在山上..... 而且天氣好熱, 行幾步個個都成身濕哂. 不過個 camp site又幾靚, 有個小花園, 花唔係多, 但有個小水池, 有荷花, 仲有青蛙, 都幾得意.
第一日到達, 我地玩左 d game, 實在太好笑, 我地仲拍左 movie, 現在大家係 facebook 睇返都覺得笑到想死. 之後果晚我地就去左 bbq 啦,
小休一陣就再落返碼頭附近食糖水仲有掃街邊小食. 之後又再行返上 camp site...... 一路上要小唔好誤踩青蛙及蝸牛~~
第二日上午, 我地為呢班青年人預備左一個 talk, 是關於戀愛交友的, 當然係有一位更資深的導師去講啦, 而且我地介玩左個拋雞蛋遊戲, 去比喻雞蛋就如兩人的關係般脆弱, 拋出者為付出, 接收者為接受, 從中讓他們知道, 有的拋(付出) 很用心, 有的拋得很"求其", 有的拋得很魯莽.... 而接收的可以很用心, 有的卻有心無力, 有的無心裝載.... 更有人因為緊張過度而將雞蛋握爆了...
玩完這個 game, 導師再深一層跟他們分析, 再加以聖經的經文套在生活上, 實在令到這班年青人在這混世時代對愛情及關係有更深及清晰的了解, 幫他們打造一個良好的道德觀念.
原本我地有一個學射箭的機會, 但因為個 talk overrun 左, 所以玩唔到 lu, 但唔緊要, 下午班年青人有一個野外定向的活動, 我見到佢地都玩得好投入 & 認真. 我同另外3位導師都有落去睇下佢地玩成點的. 順便去加餸.
晚上又係玩 game 的時候喇, 比早一日玩的更刺激, 嘩, 真係令我好難晚的一個晚上. 好在都有拍 movie, 將呢個又緊張又開心的片段留下. 玩完 game 緊係又落去碼頭食糖水及掃街邊小食啦~ 回到 came site 沖完涼就緊係又再玩七級豬呀, killer 呀, 冚棉胎到三更半夜啦.
第3日一早崇拜完, 小休一陣就起程落山搵野食, 再買小小手信就搭船回家啦~ 其實都幾攰.... 不過同佢地一齊的時光真係好開心.
**差點忘記了這杯好味的雪花冰~ 好讓大家消消暑~
JMiu
xyz軟體大本營 2009-08-26 21:12
天茵 2009-08-03 20:19
對不起，打擾你
浴室用品，廚房潔具，有空上來看看!!