網誌分類：生活日記 |
圖片
網誌日期：2008-07-04 13:48
尋日遲左放學, 番到屋企都十点幾
. 回家途中, 阿b 已經call我問我揸到邊樹, 同埋想食d乜. 阿B 煮野食係有限公司, 佢除左識整罐頭類食物同即食麵之外, 都冇乜野識煮
. 咁好自然都冇乜野可以選擇, 咁我話食米粉算. 入到屋見到佢好忙咁係廚房整緊野食, 我洗完臉出黎已經有碗米粉比我食
. 佢再走去廚房再煮公仔麵, 原來條友仲未食晚飯, 佢話要等埋我先食
. 雖然只係一碗米粉, 但已經好開心, 最開心係佢自己都好肚餓, 但都煮左比我食先
. 其實佢都傻, 有4個爐頭, 有咁多個煲, 点解唔一次過煮, 佢話理唔到咁多野, 驚整得太林唔好食....哈哈哈哈....
好明顯佢真係唔識煮野, 兩碗野都要分開搞. 食飽之後, 佢叫我休息下, D 碗佢洗就得.....ummmmmm...佢真係好Man.....
P.S. 佢完全冇提過眼鏡事件, 當冇事發生過, 自己收番好晒D眼鏡..
