安利,呂仔記@筲箕灣

今日去筲箕灣, 本來想去好出名食清湯坑腩既安利, 試一試係咪真係咁好食, 點知原來呢度既佛旦係有巡遊架, 可能呢度有間天后古廟掛, 仲封埋路添, 好熱鬧,  舞龍舞獅, 打鑼打鼓, 嘈到爆, 成條街都迫滿晒人。好耐都冇睇過舞龍舞獅喇, 以前細個就成日見到, 依家大左就好少睇咯~

聽呢度D人講, 原來今日佢地由十點左右就開始巡遊架喇, 一路到依定大約3點, 先完結, 我嚟到都差唔多係尾聲喇, 真係大陣仗囉。巡遊過後, 滿地都係彩紙碎, 又係清潔工人出動既時候囉~

呢間安利就係天后古廟既隔離, 我都係第一次嚟~

我地都要排隊排左大約15-20分鐘, 先有得食, 一來佢既鋪頭唔係大, 二來又多人嚟食, 所以經常都要排隊架~

清湯坑腩+魚片頭粗麵, 果然好正~

四寶+清湯腩撈粗麵, 發覺好多人都叫撈麵, 佢既撈麵睇嚟都好出名~

食飽左, 再去食甜品, 呢間呂仔記, 又係筲箕灣好耐歷史既鋪頭, 係買糖水起家既, 所以佢既糖水係有一定既水準, 之前電視都有介紹過。佢依家除左賣糖水外, 仲賣埋好多其他小食~

魚肉碗仔翅, 細個成日食架, 依家都好少食到~ (食左一輪先記得影相)

南瓜西米露, 好正, 好濃既南瓜味, 又唔太甜, 好好味, 我既至愛~

一次過食左兩間係筲箕灣咁地道既鋪頭, 真係好飽好飽好飽, 飽到~