聖樂主日23-11-08

今日係聖樂主日, 我地一眾聖樂隊員都重新與神立約, 睇返自己既任命狀, 我係2000年立詩班既, 到依家用音樂事奉神已經8年了, 真係好感謝神, 我仍然有能力事奉祂, 希望我繼續有能力去事奉佢, 唔單只唱歌, 而在彈琴方面都可以繼續事奉神!

今日下午有一個聖樂同樂日, 即係BBQ, 我帶左糊糊返去玩, 真係好攰, 完全明白做媽咪既苦處, 因為由我家抱糊糊去旺角坐小巴, 返到去之後又要同佢玩, 要照顧佢, 但自己又想燒野食, 真係好想唔理佢, 不過又唔得喎, 真係知道"養狗方知父母恩", 返到屋企, 我真係成個散哂, 周身骨痛, 因為同糊返去及走時, 都要抱住佢, 本想比輝抱, 但糊係咁震, 所以都係要我抱返, 不過我知糊今日好開心, 所以雖然好攰, 但我都好開心, 夜晚訓覺時, 糊糊竟然有鼻寒, 我都係第一次聽到佢訓覺時有鼻寒, 哈哈.........相信佢玩到真係好攰 遲D我要去CAMP, 要將糊糊放在黃大仙家, 我開始有D唔放心, 真係開始明白, 點解D做阿媽既去旅行, 一定唔放心家中既BB了..........