元宵佳節

今年奧運在北京舉行, 一定要同奧運吉祥物 - 福娃影張相啦

香港有份提供奧運馬術的比賽場地, 當然又要影啦

熊貓係中國既國寶, 當然都要影啦

好好味既湯圓

正~~~~

心形士多啤梨, 似唔似就見仁見智, 自己幻想吓啦, 哈哈........

正月十五係中國人既元宵節, 即係西方人既情人節, 通常中國人會在元宵節食湯圓, 代表與家人團團圓圓, 以前既男女, 因為冇咩渠道認識異性, 通常都係在元宵節參加花燈晚會來認識異性既, 今年我就同輝去感受一吓古代人既節目, 就係參加呢個一年一度既花燈晚會.

放工後, 約左輝在黃大仙巴士站等, 一齊坐11號巴士去土瓜灣七喜小廚醫肚先, 我地點左蝦球麵, 蠔油芥蘭, 螺片滑雞粥, 豉椒炒聖子, 炸雲吞魚球, 同埋爽滑魚皮, 食完之後, 行經生果舖, 見到有盒好大好紅好靚既士多啤梨賣, 我同輝都好鐘意食士多啤梨, 所以就買左一盒, 之後就出發去高山劇場了.

我地7點9去到, 已經好多人了, 之後行入去同d花燈影吓相, 入到去球場中間, 有人表演跳中國舞, 不過我地不感興趣, 就去左猜燈謎, 不過d燈謎好難, 多數都係估字, 所以睇左一陣又冇睇, 當想離開猜燈謎既地方既時候, 就見到秋亮一家三口, 輝當然又同顯揚仔玩吓啦, 不過今日顯揚仔對 "波波叔叔"冇咩興趣, 可能因為冇波波玩, 哈哈.............之後我地就走了, 坐車去左太子石磨坊食糖水, 因為我地要應節, 所以去食湯圓...............石磨坊入面好多人, 好多人都食湯圓, 大家果然都好想團團圓圓, 哈哈..............之後輝就送我返屋企, 返到去, 攞盒士多啤梨出黎, 見到咁靚, 好想影張相, 之後我就砌左個心形比輝影相, 我覺得幾似架, 哈哈..............在此都祝大家元宵節快樂, 甜甜蜜蜜, 團團圓圓.............