12月25-26號大陸之旅

25號係聖誕節, 部隊11點依然有聖誕崇拜, 我當然有返啦, 但有好多人都冇返, 有d去左旅行, 有d就因為報完佳音太辛苦, 所以冇返...........今年helen帶左佢媽返崇拜, 完左崇拜之後, 我同芬同helen & 佢媽一齊lunch, 諗住同佢傾吓福音, 雖然都冇落到福音呢part, 不過helen媽對返教會都幾有心, 仲話下次會返tim, 希望佢下次真係會繼續返啦..........食完lunch之後, 我地一行9人開始大陸之旅, 有我, 輝, dee dee, 偉仔, carman, 泰, joey, 嘉倫, 仲有tracy, 不過佢有野做, 所以我地上去先, 上到去都4點幾了, 本來諗住去玩高卡車, 不過去到都差不多關門, 而且要坐$150的士先去到, 所以就打消呢個念頭, 改為去左打保齡球, 我地坐的士去左一間叫球王既保齡球館, 不過要等成18條道先有位, 所以就去左食下午茶先, 去到一間好有結婚feel既餐廳, 叫左好多野食, 有串燒(雞, 羊, 牛, 雞翼, 豬等等), 雪糕雪芭, 饅頭仔,  生蠔仔, 食到我地好飽, 之後就去打保齡球, 打到9點左右, 就去東門行左一陣, 在東門等埋tracy, 之後就分幾批再行多一陣先去食飯, 佢地個個都有收穫, 只得我買唔到野, 不過算啦, 我上去既目的係做制服, 做到就ok架喇.......之後dee dee帶左我地去一間叫六千館食飯, 去到先知原來係sid家樓下那間舖頭, 上次都想去試, 以為今次終於有得食, 點知我地太夜了(10點幾), d師傅收哂工, 只有打邊爐食, 咁我地唯有照食啦, 不過就麻麻地, 冇咩驚喜, 食完都差不多12點, 之後嘉倫話要走, 唔去按摩, 咁我地8人繼續去按摩既地方進發, 去左一間叫新美姿既地方, 個道好大, 都幾乾淨, 一開始按腳先, 之後上房按身, 我揀左泰式, 不過就麻麻地, tracy揀左中醫個隻, 佢話好正, 仲比左$50貼士tim.........勁...........之後我地訓到第二朝, 10點幾出去飲茶, 飲完之後, 泰同joey要趕返香港BBQ, 所以佢地走先, 只有輝同TRACY陪我去做制服, 之後返到香港都3點了, 立即返屋企訓覺, 因為真係訓得唔好, 好鬼攰, 不過一班人一齊去玩吓, 都幾開心既.............