Baby & Frank大婚之喜

Baby & Frank

新娘子Baby

baby家姐個囝囝, 叫做浩璋, 佢好得意架

主角太忙, 唯有同佢地既油畫影相啦

我地坐招待位, 當然要影返張合照先啦

姊妹團合照(少左嘉穎, dola同阿bo)

路加團姊妹們合照

今日係我好姊妹大婚之喜, 我真係好開心見証到佢同frank結婚, 我當然係姊妹行列之一啦, 姊妹約左8點3上到baby家, 但我遲左少少, 8點半先到, 不過好彩我唔係最遲那個 , dola同佩勳都未到.......之後9點d兄弟上黎, 我地開始玩遊戲, 玩完遊戲, baby & frank就開始比茶佢家人飲, 完左之後我地就去慈雲山酒樓食lunch, 不過那lunch係11點食, 因為唔駛去男家, 所以早d去飲茶............之後3點開始行禮, 行完禮之後, frank講致謝詞, 平時佢怕怕醜醜咁, 估唔到佢又講得幾感人, 我差d喊左出黎, 不過我去人地婚禮都好易喊, 因為好多都好感人............., 行完禮之後, 下面有茶點招待客人, 我地d姊妹都可以蛇一陣, 落去食吓野先, 因為太早飲茶, 所以好肚餓呢, 之後就出發去酒樓了, 我地要自己坐小巴轉地鐵去, 因為塞車, 所以唔等那24座返黎接我地.........去到我可以好輕鬆, 因為唔係坐出面, 我可以行行企企, 周圍同人影相, 傾計, 之後9點開始飲了, 到玩遊戲時間, frank好好咁預備左100支橙色鬱金香比baby, 要我地d兄弟姊妹幫手派比d客人, 之後一齊出去送比baby, 場面真係好溫馨, frank仲唱住歌, 到d客人差不多送哂, 佢就將第100支鬱金香送比baby, 真係超感動啊, 因為frank唱歌麻麻地, 但都肯咁樣唱住歌出黎送花比baby, 易喊既我, 當然又比frank呢招感動到啦, 真係替baby高興, 搵到一個咁對佢咁好, 咁錫佢既老公, 願神保守呢一個新家庭