點解《開心》既相反詞唔係《關心》既？

2007年8月24日〈金曜日〉陰

我成日都諗埋一d人地會覺得好無聊問題... 但我卻好想知道真相。
我都唔知點解..

早在20年前既中文堂，我好有禮貌咁舉手問左老師一個問題：
『點解《開心》既相反詞唔係《關心》既？』
『... ...』
我就以『擾亂課堂秩序』既罪名，被罰企左一堂。

時光飛逝，20年巳過，我都問過呢個問題唔少次。
冇人理我...

路人甲帶左我去 confirm 『9月日本留學』既細節。
我就是喜歡所有野都 confirm好既感覺 ^.^ 唔鍾意d野拖住拖住~~
路人甲，有你係身邊好有安全感~~　
心情真係 beautiful~~呢個《開心》既感覺。

晚上同急救病棟好朋友們食飯，
係 Mega Box 既泰國餐廳，就充滿住白雪雪、Lace 姐姐、遊輪公子、家令哥、家令嫂、優客李林既談笑聲 ^.^ 呢個都係《開心》既感覺。
係香港開食市就最好，食物唔需要話好好味，只要係可以 provide 一個 gathering 既地方就可以了。 〈JoanthePooh 又有偉論...〉

呢排成日都同白雪雪同 lace 姐姐一齊去玩。
白雪雪一向都好鍚我架喇~~ 一直都係照顧住我~~
緣份真係好奇妙，我同 lace 姐姐愈傾就愈投契。給我意見，教我免受傷~~我仿佛多了一個疼愛我既姐姐~~ 呢個亦都係《開心》既感覺。

如今二點幾張既我，
終於明白『點解《開心》既相反詞唔係《關心》既？』
... ...

因為，
《開心》同《關心》係並存的！
所以，
《開心》同《關心》係永遠都唔會可以有相反詞既關係！
你幾時見到一個又肥又瘦既人丫...
你幾時可以同時間見到日出同日落丫...

當被《關心》同呵護時，感到《開心》係必然的吧？！
但係《關心》別人同時，自己都會感到好《開心》... ...

我一日之內可以有3次開心感覺，我真係好幸福！因我有幸地可以被《關心》我既人包圍著...

感謝主^.^

尋找左20 年，我終於都搵到答案了。
只有我先諗到呢答案，原來...天資...真係想埋沒一下都唔得架~~ 〈哈哈！要把握每一個機會讚下自己~~〉

無敵是最寂寞... 哈哈哈哈...