Chapter 11: 櫻花樹下草地野餐^.^

2008年 4月1日 (火曜日) 晴

Chapter 11: 櫻花樹下草地野餐^.^

自小睇日本既卡通片都會有趕緊到公園霸位既情節...
好似好好玩咁，好溫馨、好開心；
大家都笑到只可以見到『彩虹形狀』既眼睛... 好想試一下~

經過路人甲專誠check 到既櫻花情報，今天安排了一個好完美既 櫻花樹下草地野餐 ^.^

第一站係【大阪城公園】 。

『wa~~ wah~~ wow~~』
我只懂得這樣的反應著...
單看一朵櫻花，只是一朵粉紅色、有5個花瓣而已...
但一堆看起來真的好美好美，
難以以筆墨去形容、難以言喻...

可能係自己攝影技術有限，
回味自己影既櫻花，都不及自己既眼睛~~
可能係花香、情景、小孩子既玩笑聲... 一切一切加起來才係當時既情節吧~~

【西の丸庭園】之中充滿孩子們既笑聲，
似是一個幼稚園既 課外活動、年輕師奶仔帶住小BB跟同學們聚會既集中地~~

草地跟中文大學既不一樣，不會濕濕淋淋的。
很乾身，但又很軟棉棉~~ ^.^ 終於可以試下係草地野餐了^.^

春天，
真的是一個令人感到世界萬物都好美既季節。
令人有一種一切都好有生命力、好有生機既感覺~~ 
尤其，是跟自己最愛既人一起欣賞，感覺真的好幸福 ^.^

To be continued... ...