係雙十果日約埋班同事一齊收工去迪士尼，我係第一次去咋，大班人一齊都幾好玩啊～
因為收工都成 6 點幾又要趕入去，所以大家都係買定野食係奧運站等車時急住食，仲要食得好鬼鼠添！
車廂內周圍都係米老鼠。
我地已經係月頭去都好多人，迫爆啦～
例牌影返張合照。
入到去周圍都係 Jack，迪士尼既哈囉喂係開心嘉年華 feel。
我地去到時岩岩開始 parade，好大個 jack 呀！
呢架好型！
現場既氣氛真係好好，完全可以即時投入，正啊！同場加映 VCR x 2 ~~~
周圍都係 Jack ...
睇完 parade 即刻去我們今晚既目標：兩間鬼屋。我地先去森魔詭域，意料之內勁多人排隊，我唔中意佢 d 指示好差，開頭都唔知邊到係龍尾有少少亂。
超多人打哂蛇餅，不過等左一個鐘就有得玩啦，都唔係等好耐。
雖然知道係人扮，但係入面黑媽媽佢個 feel 令到我已經寒寒地，雖然有 d 位係知道有野，但係俾佢嚇時都會驚。最恐怖係埋尾有段路真係黑到伸手不見五指，加埋 d 貶貶下既燈，好怕突然有野閃出來，基本上我已經係唔敢擘開眼行。
走返出來之後我發現心跳勁快，雖然係入面只係玩左一陣，但係都好正丫。然後即時轉戰大街詭異酒店，呢個等既時間一個鐘都唔駛，可惜佢人流管制做得唔好，玩玩下已經追到上一 group 人，驚嚇指數即時跌哂。
玩完鬼屋就去玩個唔知咩野飛車，其實我都有少少驚唔敢玩，不過佢地話唔會好快咪玩囉，點知 ... 原來我俾人呃左啦！
因為我驚到已經伏低左，所以係張相到跟本見唔到我 ... haha ...
我怕暈唔敢玩旋轉木馬，唯有影張相算數。
好靚既城堡，有埋蜘蛛網即時再加分！
呢個時候已經 11 點，好多人係大街影相。
下次擴建完我會再黎架！
2008 年 10 月 10 日。迪士尼黑色世界。
小壞蛋 2008-11-03 18:21