BLOG 主頁｜ 服務中心｜ 雅虎香港

      網誌清單

      編輯 關閉
      網誌 我的網誌內容搜尋：
      引用 檢舉

      小龍 24 慶生@長洲兩日一夜 - 1111

      網誌分類：愛 ... 旅遊 |
      圖片
      網誌日期：2008-11-16 18:19
      為左慶祝小龍 24 歲生日，特登請左日半假去長洲玩。其實都幾趕架朝早要返工，本來打笠 13:00 走人可惜佢未做完野，搞到遲左成個鐘先收工，有少少唔高興，不過我忍住左話哂係佢生日唔想發脾氣。

      我地坐 14:45 班船，係高速船黎既 d 位都幾舒服，      上到船無聊得濟，用之前食淨果個甜筒紙杯係到玩埋 d 低能野。


      好勁，頂得住！

      坐左半個鐘就到長洲啦，即刻去 B & B check in 先，原來真係離碼頭好近，又唔難搵。Check in 時見到佢真係 full 哂，好彩早係個幾月前就 book 定要求埋住三樓靜 d。


      同網上既人所講一樣，間房真係好細下，不過張床勁舒服呀！


      透明玻璃可以睇到浴室的，不過有道簾可以拉下來遮住。

      放低 d 野我地就即刻去搵食，第一站就係去樂滿堂食炸雞，但係長洲冇路牌指示都幾難找，所以買返本地圖仔睇住會好好多。

      行下搵下終於都搵到啦，可能當時已經 4 點幾，入到去都冇客既，初時都有 d 擔心會唔好食架。      我叫左個一件雞拼薯粒，小龍叫左二兩雞拼忌廉汁飯，佢 d 雞係即叫即整，所以都等左少少耐。


      一黎到見到岩岩炸起既賣相確實唔錯，個雞炸得好香口又唔會韌，正啊！


      甘永泰魚蛋，好有魚味，但係我嫌佢淋左 d，都係中意食 MK 魚蛋多 d。

      食完過左對方既芝心意揀 cake，呢到有唔同款式既 cheese cake，原本想買個大 d 既蛋糕俾小龍作為生日蛋糕，可惜我地太飽了所以只係買左切片裝，其實切片裝我都好想個個都買哂來食架！


      小龍揀晚綠茶芝士蛋糕，不過蛋糕我都係中意硬身既 New York Cheese Cake。

      呢排做野實在太累啦，可以去離島玩下確係好，但黎到都攰到懶得周圍走，最後都係 hea 係間房。到左 6 點幾我地先出去食飯，去到街市見到好多舖頭都收檔，就直接去北社既康記，佢有 d 海鮮套餐只係百幾蚊，不過我地選擇散叫啦。


      豉椒炒蟶子，好大碟架 d 蟶子勁多，食極都仲有。


      栗米魚肚羹，估唔到咁大窩，呢個份量五六個人都夠食呀。


      蒜蓉粉絲蒸扇貝都好好味～


      蒜蓉開邊蝦，d 蝦係隔離個海鮮檔買然後係到加工整，極之好味，正正正！

      食飽飽就周圍行下散下步，行行下行左去東堤果邊 d 屋，其實都有少少驚的，好彩小龍係唔，我諗如果我一個人行一定嚇死，係自己嚇自己果隻 ...


      東灣海灘，行到盡就係華威啦，我下次想去住下啊。


      行完返去休息，無聊之下又係到影相，今次係紙筒扮生日帽，哈哈！

      玩下抖下 9 點幾又出去搵食，我地真係為食呀！原本打算去師妹甜品食心太軟同火燄雪山，點知發現冇開門，唔知係我地太夜定係休息，有少少唔開心呀。後來就買左 d 街邊小食，跟手去 M 記買個餐就返左去休息了。


      2008 年 11 月 11 日。長洲兩日一夜。
      引用(0)
      網誌標籤：長洲

      • 11 月 10 日，沒時間想念你。

        網誌分類：愛 ... 一個人 |
        網誌日期：2008-11-11 01:31
        跟他分開以後，他的生日，三十歲的生日。原以為我會牽掛，但是卻沒有。工作忙得沒餘下一分一秒能讓我思念。很好，沒有被和他的過去困擾自己。雖然他不會看見，但是心裡還是要祝福：要幸福喔。
        回應(0) | 引用(0)

      • Alex's home BBQ：龍師傅好勁呀 ~ >0<

        網誌分類：愛 ... 生活 |
        圖片
        網誌日期：2008-11-09 22:31
        而家既工作量星期六已經唔係返半 day 喇，冇得準時收工，最後搞到好趕咁去睇《Saw V》，因為遲左入場有人係到發脾氣，我好唔開心囉又唔係我既錯，做咩要發係我到，不過最後都有 say sorry 就...
        回應(1) | 引用(0)

      • 迪士尼黑色世界 2008

        網誌分類：愛 ... 生活 |
        圖片
        網誌日期：2008-11-02 16:04
        係雙十果日約埋班同事一齊收工去迪士尼，我係第一次去咋，大班人一齊都幾好玩啊～因為收工都成 6 點幾又要趕入去，所以大家都係買定野食係奧運站等車時急住食，仲要食得好鬼鼠添！車廂內周圍...
        回應(1) | 引用(0)
        網誌標籤：Halloween, 萬聖節, 哈囉喂, 迪士尼黑色世界

      • 我做錯什麼？

        網誌分類：愛 ... 一個人 |
        網誌日期：2008-10-25 01:28
        愛上典型天蠍座，一切感覺都會來得強烈。我知道你為什麼心情不好，縱使你沒說出口。雖然不一定是我引起，但是也不能說跟我沒關係。無奈的是，我的立場不能把事情置之不理。我做錯什麼？沒有...
        回應(1) | 引用(0)

      我的訂閱

      編輯 關閉

      我的訂閱

      月曆

      編輯 關閉
      <
      2009
      >
      <
      Dec
      >
      S M T W T F S
        1 2 3 4 5
      6 7 8 9 10 11 12
      13 14 15 16 17 18 19
      20 21 22 23 24 25 26
      27 28 29 30 31  

      BLOG 搜尋

      編輯 關閉

      BLOG 搜尋


       

      R H
      G S
      B V

      #