南澳洲鹽湖

南澳洲艾爾半島（Eyre Peninsula）的Gawler Ranges國家公園，好可能係我到過最荒涼最無汀污染嘅大自然景色。

我地由亞德萊德飛去林肯港，參加左四日三夜旅行團，導遊嚟機場接我地，再揸三個鐘頭四驅車先去到國家公園附近。成個國家公園好似香港咁大，導遊話住咗27萬隻袋鼠，沿途仲不時見到鴕鳥同綿羊，不過就一個人都無。我地入住豪華版帳篷，內有廁所，仲有熱水沖涼，好OK。

導遊帶我地去Lake Gairdner，咁大個女第一次見到鹽湖，離遠見到個湖白雪雪，好似雪地一樣。走近睇，因為中午時份太陽好猛，鹽表面溶化，形成兩三吋深的鹽水，加埋藍天同山林的倒影，真係靚到不得了。

我地仲即刻除鞋諗住玩下，踩落湖先知原來鹽表面好利，凹凸不平慘過做腳底按摩，最後都係要著住鞋先可以行到湖中心。

我地仲喺湖邊野餐，一邊呼吸新鮮空氣，一邊睇鹽湖靚景，超歎。

如果香港都有咁靚咁無污染嘅大自然景就好囉。

旅行團:www.gawlerrangessafaris.com