馬拉喀什I --shopping

好多人去摩洛哥，只識得Casablanca，因為一套《北非諜影》，其實我覺得南部0既馬拉喀什先最有北非0既異國風情。由Casablanca坐車或火車都只係3粒鐘，加上好多歐洲人都鍾意去馬拉喀什度假兼掃貨，所以在巴黎、倫敦直情有平機票直飛馬拉喀什。

馬拉喀什0既古城區有個大市集，以shopping最有名，我同幾個行街精朋友一去到，即刻入古城買嘢。

頭號要掃的0既當然係皮革貨，因為摩洛哥最出名就係人手染製0既皮，有牛、羊同駱駝皮之分，當中以羊皮最軟熟所以最貴，做手袋一流。駱駝皮最硬又挺身，做cushion套就0岩。至於港紙一百有交易的拖鞋就多數係牛皮做，夠平，粗著都抵。

另一樣又平又靚0既貨就係撠絨袋，之前在連卡佛同I.T.見過，超級貴，呢度款式又多又平，一個袋唔使講價都只係賣HK$150，我地成班掃咗十個。

不過有樣0野我地只敢睇唔敢買，就係當地0既化妝品，導遊帶我地去當地的0既「莎莎」，見門口有好多五顏六色0既粉，原來係當地女人的0既eye shadow、烟脂同唇彩，有0的仲有閃粉在內，好勁，仲有好多香水，所以最後我地只係買咗香水就走人。