拉脫維亞一

拉脫維亞係波羅的海三國中面積最細的，北面係愛沙尼亞，南面係立陶宛。

我先由波蘭華沙飛到立陶宛首都維爾紐斯，再搭巴士去拉脫維亞首都Riga玩。

由巴士總站行十分鐘，經過高樓大廈去到舊城區。舊城區一早已經被聯合國列為世界遺產，入到舊城區真係好似返到中古世紀一樣。沿路都係石板小巷，好多舊屋都改裝成露天café。

我地先去左St. Peter's Church，最主要就係上去70米高的塔尖望番晒成個城市。好彩教堂裡面一早重修，加左部lift，唔使行樓梯就可以上到瞭望台睇風景。

睇完風景我地就0係廣場周圍行，我最鍾意就係紅磚建成既The Blackhead's House，0係以前0的外國人0黎到riga做生意時既會所，大門口上面的人型雕像好靚。

後來我地向古城牆行過去，就見到大圓桶形既火藥庫，仲有睇下瑞典門城門。聽講話拉脫維亞曾經被瑞典人入侵，所以城門就叫做瑞典門。