忽然．文化

突然心血來潮．星期六就走去左書展．．．之前都聽朋友講話要排成個鐘及好逼好多人．但都去左．要成$25入場費架，梗係要買多幾本啦

一去到灣仔碼頭．已見天橋上排隊．快快步排啦．原來都只係排隊買飛，買完飛又要再一路行一路排．基本上都OK既．唔須要等太耐，只係太多男人味囉

行左成 3 個幾鐘，累到丫 最後都買左 8本書．基本上全部都係８折，又不覺平好多，志在做o下一次文化人啦～


１）我的低能旅行
　　．由MSN Icon開始到佢個網址，再出第一本我的低能之道都有追開．
　　　低能事日日新鮮次次爆笑．

２）我的低能大肚之道
　　．開心野，睇多d．輕鬆下喇．香港人

３）最好的時光３
　　．依個係903 既廣播劇，第１輯都可以唔小心聽到，之後都夾唔到聽，
　　　所以就買返成套書，依本係最後喇！

４）赤道上的金牌
　　．本書係無意間係免費報紙上睇到訪問介紹，08年係殘奧運動會已留意佢．
　　　絕對做到殘而不廢，真係值得專重 ．本書巧感動！

５）甜甜私房貓６
　　．依本唔水講啦，作為養貓阿四及又有阿丁既影子我又點會錯過呢．
　　　下一期要係2010年先出呀．真慢長．．．．

６）三貓Blog Blog 齋
　　．又係網址既效應，本書都出左好耐但一路係書局都搵唔到．

７）我們是正生好孩子
　　．薄薄的一本書．內容是正生書院同學寫的感受．
　　　於電視上看見人們的反對聲．就對孩子們的表現很感動．
　　　本書全部收入將奉獻給正生書院．而自己只是出一點點點支持．

８）捷克布拉格旅遊通
　　．期待中．