財散人安樂

今年真係多多事幹，就以2月計自己都睇左3次醫生．仲有阿don呢～ 所以就安排左今日晨咁就去左圓玄學院攝攝，希望身體健康萬事如意～

之後．就返去睇醫生，前日夜晚去左荃灣食排隊米線．．．到昨日早上就唔多妥．食左喇叭及保劑丸都唔掂，夜晚就更拿住拿住冇攪好瞓．唉～
腸胃炎 ＝ $150


攪掂完自己．就去攪攪 Don，之前醫生都叫我再取尿去驗．．但就很難預．咁昨晚就見到兩個大帝都放左幾舊金後，就封廁．．．直至早上．取到尿後又要去診所驗．．．還有少少血跡．又要繼續食二星期喎～
藥費＋化驗費 ＝ $224


好喇．都要買野比自己，開心下．．．今日見到條原價$990．折後$198既牛仔褲．咁又咁o岩有Size．就梗係要買啦～ 又見到件衫喎．$120又唔貴．．．咁又買啦～之後又再買lee又買路就 $290．．．

最後．之前係雜誌見到對日板迷彩Converse．今日係專門店問都話冇．竟然比我係元朗見到喎．$590呀．．．仲有8折喎．又只係$472．咁又點會唔買喎．買夠$500又有馬仔野送喎．朋友買左另一對．．．咁個公仔又剩返一個．又見佢拆得咁辛苦喎．就唯由叫佢成個板比我唔使拆囉！嘻嘻～



財散人安樂．事事順景．身體健康架喇！