墾丁之旅 Day 3 (上)

懶到咩咁，由夏天寫到冬天都未寫完，而家繼續寫第3日嘅上半部份，因為第3日去左好多地方同玩左好多嘢，所以要分開兩part~

2009年9月21日 ( Day 3 )

亞哥之家(民宿)→後碧湖→恆春區漁會大樓→出水口→貓鼻頭→白砂灣

今日天氣好好，個天同個海都好藍，好藍！好開心~

食左早餐之後，第一站去左後碧湖潛水，佢兩個玩左4合1，好似好抵玩，不過唔記得幾幾，而我同另一朋友冇玩，因為我地兩個都唔識游水而且驚屎~ 所以我地兩個就周圍行下影下相~

朋友為左影水中魚特登買左個防水相機套，專為想玩水之餘又要影相嘅人用~

我地兩個就在岸邊影相，個天咁藍，影出嚟D相都特別靚，影影下有個潛水教練走埋嚟話要同我地影相，好搞笑，佢攞住我朋友部DC仔扮晒攝影師係咁同我個friend影，唔洗問一定係貪戀我朋友嘅美色啦~哈哈！

在淺水地方發現左好得意嘅“海星”←(我諗係)，有朋友見到D相話似異形~

玩完就去左“恆春漁會大樓”食魚生，我地叫仲左幾個小菜，下面咁大碟才台幣200，即大約澳門幣50，超抵！(新鮮，食左咁多都冇事~)

但我想講講，現場環境有D惡劣，勁多"烏英"，不過我地食左冇肚痛就算~

食完生魚片就去左對面食冰，好好味，個冰底本身已經有香味，再加埋朱古力，百香果更香甜~

司機大佬真係本著"行過路過唔好放過"嘅道理帶我地去遊山玩水，路過出水口特登停車俾我地影相，我地又發癲影左一陣，沖出海一段D水好藍~

接住去左貓鼻頭，個人冇咩幻想力，想像唔到貓鼻，睇唔出，睇唔出~

又係"海角7號"拍攝場景之一“白砂”~