媽咪生日篇

前一排..8月28日係媽咪既生日....我地3B係呢度要同媽咪講:

{HAPPY BIRTHDAY TO JOEY媽咪, 祝你身體健康, 開開心心,工作順利,賺多D錢,買多D野比我地,錫我地多D....}

首先...姨姨同舅父比左2大封利事比媽咪...希望媽咪開開心心...有錢買自己鐘意既野...多謝晒....

係特別既日子...爸爸同媽咪去左黃金海岸又食香辣屋...不過因為冇帶相機....所以冇相睇啦....不過爸爸好衰冇送野比媽咪...真係一D都唔驚喜架....爸爸只係話幫媽咪供左支大光燈既錢就當禮物啦....真係幾咁冇諗頭呀..不過算啦...支大光燈都成3千蚊既...多謝晒.....

到星期六.....媽咪返工途中....驚喜就一浪接一浪啦.....

首先....無端端...媽咪竟然有花收....仲好大扎架..呢種花花都幾特別架..好似叫做繡球花....

跟住...媽咪係休息息食飯時...突然有位本身放假既同事拎住個蛋糕入黎....仲唱埋"HAPPY BIRTHDAY''歌TIM...

嘻嘻..個蛋糕好搞笑..有3隻小動物...本身應該係3隻小狗先岩架...因為諗住代表我地3B架呀...不過間餅鋪就貨不對版啦..

跟住放左工....媽咪同班同事一齊去man姐姐屋企打麻雀玩...

原來man姐姐屋企有隻poodle叫be b...真係超級活躍..冇時停架..

最後驚喜..媽咪收到一堆禮物.....仲用左好多雜誌包左幾層tim....真係唔環保啦.....不過每份禮物既包裝紙係有意思的....希望媽咪係每年有型男陪啦,年年有魔鬼身材啦,日日都笑口常開啦,將來生個可愛既bb啦,仲有紅色代表利利事事wor..真搞笑...

媽咪拎緊呢個袋袋係禮物之一黎架..

其實呢一些種種既驚喜係由一班錫我既同事送比媽咪架....真係好多謝你地....你地好傻架..買咁多野比媽咪....真係好冧啦..多謝晒.......

好啦....我地3B叫媽咪做野時唔好管得你地咁嚴同唔好鬧你地啦..

食完pizza套餐..繼續再大戰...可惜媽咪都係第二輸家...媽咪你都係無咩麻雀運架啦...當交學費算吧啦....

媽咪返到屋企....又要搞我地啦...

拆左扎花...姨姨又拎住張包花層紗玩我地啦.....

嘻嘻...我地係''蒙羅麗紗''....好無聊啦........

遲D到我地3B之一...MOBY肥豬生日....媽咪諗住係Pug之堡個913一週年之大棠迎月夜時順度慶祝....大家朋友仔...有興趣一齊玩嗎....快d報名啦........