人生有幾多十八年???

今日(11月26日)係我同黑面爸爸相識18週年紀念日,

難得佢呢排咁忙都請左一日假同我去癲,  咁我地去左邊度慶祝???

咪又係去飲飲食食囉, 呵呵呵~~~~~

因上星期五我同朋友仔去左呢樹食Lunch Buffet, 覺得幾抵食同幾多野食喎,

所以今日就同黑面爸爸拍拖拖黎左囉, 好野梗係同另一半分享架麻,

呢d咪係相處之道囉..........

(係呀, 咪係尖沙咀港威酒店地庫的Coffee Mill囉!)

(地方唔靚唔Grand唔型, 但黎食野咋麻, 無所謂啦!!!!)

(Lunch Buffet 冷盤:  生蠔, 凍蝦, 瀨尿蝦, 藍青口, 青口等等,

上星期五有長腳蟹添架, 但今日無喎, 幾鬼失望呀.....)

(刺身壽司唔係好多選擇, 但有我最Like的三文魚就夠囉! )

(煙三文魚, 芝士檯, 沙律吧, 後面全部係熱盤....)

(各式配料的泰式湯河)

(甜品檯, 因為我地早左入場, 所以佢地仲set緊檯!!! )

(雖然無哈緊打屎雪糕, 但有Movenpick頂上喎, 仲有8款味道揀添, 勁!)

影完食物檯, 好, 拎野食啦.....

(生蠔普普通通!)

(三文魚都算厚切, 都唔錯架,

另外, 上星期有燒牛肉添架, 但今日又無喎! )

(南瓜湯)

(豬屎配餅乾條, 好好味, 我好鐘意食架, 如果有埋紅酒就更Perfect啦! )

(呢碗係黑面爸爸的牛腩豬腸金邊粉, 都幾正!)

(熱盤有非常多選擇, 咖喱都有幾款)

(呢盤係唔係好核突呀? 係我畢架,

我餐餐都係咁撈亂D野黎食, 我又覺得OK架喎, 嘩哈哈哈哈哈!)

(枝豆都有, 但無味, 唔掂呀!)

(甜品一大兜, 我迫黑面爸爸同我SHARE,

因為我係想拎黎影相架咋, 哈哈哈!)

(Movenpick雪糕都唔錯, 但我拎晒雪葩, 因為真係好鬼飽呀!!!)

由下晝12點食到2點半, 價錢係158蚊一位,

訂位有75折, 折左後位位 134蚊, 抵爆!!!!!!

資料如下:

地址: 尖沙咀海港城港威酒店地庫Coffee Mill

訂坐電話: 2113-7926

時間: 星期一至五 12:00-14:30 價錢 $158

星期六, 日及公眾假期 價錢 $168

(溫馨提示: 訂座或用匯豐信用卡找數會有75折架, 嘟嘟嘟 )

(註: 原來係11月入面, 我同不同朋友仔都食左5次 Buffet 喎,

當然呢餐係其中一餐啦, 真係作死呀, 你地唔好話我又話減肥架?

係呀, 我平日咪減緊囉, 難得我兩個月內都減左12磅啦喎,

當獎賞我減得咁辛苦都得掛, 哈哈哈,  

所以再黎我會一野post晒幾次buffet出黎比大家睇下架, 請密切留意~~~~)