泰梳肝曼谷華欣10天之旅(前奏篇)

黑面爸爸見我比人遣散左, 突然有日同我講,

不如同我出外玩下當散心, 再慶祝埋我生日(16號)囉!

諗諗下又幾鬼浪漫喎, 好啦, 難得對我咁鬼好,

今次整個全包宴佢嘆, 所有洗費我包, 但以後養起我的洗費就佢全包,

呢d就叫做小財唔出, 大財唔入呀, 哈哈哈哈哈!

鎖定時間後, 我地就開始Plan去邊度玩好啦?

東歐(跟團)? 雲南(跟團)? 蘇梅島? 布吉度? 峇里島? 東京? 北京?

有D就去過, 有D就未去過, 但我地諗黎諗去都係死人尋舊路,

最後都係揀返哥妹豆鄉下, 係囉,

咪就係泰國曼谷同華欣!

因今次唔駛再受請假之苦, 黑面爸爸假期亦可以任拎唔嬲,

所以我地決定去夠十日......

(十幾年以來,我地每次去泰國最多都係 5- 6日架咋 ),

今次有10日咁多, 真係可以慢慢食, 慢慢行, 慢慢嘆啦, 

所以開心屎我啦, 哈哈哈!

講完Plan去邊樹旅行後, 亞豆好似都知知地喎,

仲搞搞陣無幫襯添.......

真陰公, 塊膠膠比亞豆咬到不似膠形添!!!!!!

講埋泰國之旅先, 我地聽朝(14號)早機去,

倒塌咁早搭第一班雞鐵去雞場 , 然後 (23號)晚機返,

呢10日當然有公公同Annie姨姨24小時照顧住哥妹鬼豆,

所以我同黑面爸爸就可以玩得開心又放心囉!!!!!!!

仲有, 大家記住掛住我呀, 因呢10日我都唔會出卜架啦 (比自己休息下),

如果掛我掛得太交關的話, 就去睇返我以往卜啦!

等我返黎後, 一定會詳盡報導我地

住過乜, 食過乜, 影過乜,

玩過乜, 買過乜, 柯過乜,

一於全部乜乜實實都報導晒比大家知........

好啦, 再見啦, 你地唔駛祝我玩得開心D,

因為我實會玩得開心, 嘩哈哈哈哈哈哈!

~~~拜拜, 10日後見~~~

如果想重溫呢個旅程, 請Click以下網址:

泰梳肝曼谷華欣10天之旅 (Day 1 酒店篇)

泰梳肝曼谷華欣10天之旅 (Day 1 美食篇)