泰梳肝曼谷華欣10天之旅(Day 1 酒店篇)

我地黑口黑面兩公婆係泰國足足玩左10日,

星期五晚(23號)終於平安無恙咁搭飛雞回龜啦!

當晚我地返到屋企, 由公公同Annie姨姨親手移交哥妹鬼豆比我地,

第一個衝出黎接門的當然係我的心肝命定妹芝啦,

妹芝一見到我地就即刻眼眶仔又紅又濕晒-----> 妹芝樣,

佢好似小朋友仔咁想喊想喊咁樣呀, 哎唷, 真係傻妹仔黎架,

不枉我都掛住佢地掛左十日架.......

(但對我黎講, 旅行都好緊要,  所以一年去得果一至兩次,

掛下都要架啦, 最多買手信返黎同錫多佢地幾啖補數囉, 呵呵!!!!!)

首先, 唔講哥妹鬼豆住, 我諗我要由第一日講起先, 

因為呢個係我同黑面爸爸的回憶錄, 亦因為我地年紀開始老邁,

如果唔寫落卜的話, 我諗唔夠7日我地就會忘記得一乾二淨,

所以希望大家唔會睇到悶, 亦唔會大叫回水啦, 嘩哈哈哈哈哈!

好, 睇野先.......

(14號晨早搭最早果班雞鐵去雞場, 去到係大瓜樂食左個蕃茄通粉做早餐,

然後乖乖等上雞!)

(因為貪"早去晚返"兼雞票有21日期限, 所以揀左OX亦即東方泰國航空黎搭,

去程無驚無險....)

(今次帶埋魔人亞鬼去玩去嘆添, 但飛雞餐麻麻地,

不過唔滾要啦, 去到大把好野食! )

(除左兩個包外, OX鬼咁嚇氣仲送多件布丁添! )

話咁快就到左曼谷啦, 因為我鐘意試新野, 難得黑面爸爸又肯同我癲,

所以今次10日旅程, 我地就住夠4間酒店啦, 哈哈哈!!!!!!!!!

頭4晚就係住係落成唔夠1年的

"Marriott Sathorn Vista

Executive Apartments Bangkok"

(4枝水代表每一間酒店, 頭一枝就係今次頭4晚住架!)

因我同黑面爸爸都好鐘意住Apartment, 因為夠大又有廚房設備

睇下客廳同飯廳先.....

(客廳仲有埋DVD機, 睇DVD又得, 聽CD亦得,

岩晒我地呢類Family Old Man & Old Woman架, 哈!)

廚房真係咩都有晒, 夜晚買野返黎食都有齊晒餐具開餐,

不同款酒杯都有3款咁多, 食完飲完仲有專人洗埋添!

入睡房睇睇.....

(King Size大床, 20隻肥仔鬼都夠訓架, 哈哈哈!)

(廳同房都有電視, 正!)

(梳粧檯一角, 亦係黑面爸爸每晚叉電話的好地方,

因每日我地都打幾次比公公問候哥妹鬼豆有無曳曳架麻, 哈!)

(檯燈都幾靚架...)

入去睇下洗手間先.....

(浴室夠晒大, 10個黑面媽媽都塞得入, 哈哈哈!)

(Rain Shower同浴缸都有齊, 鐘意點沖都得, 打橫沖又得,

打棟沖亦得, 得左.......)

(黑面爸爸最開心就係有埋雜物房, 入面有埋洗衣乾衣雞,

第4晚臨去華欣前一晚, 佢仲開雞洗衫添, 真係幾無聊都有,

嘩哈哈哈哈哈!)

Day 1 酒店篇寫得好唔好睇先?

好睇就請繼續留意Day 1飲食篇啦, 唔好睇都黎睇下啦,  

哈哈哈哈哈....

如果想重溫呢個旅程, 請Click以下網址:

泰梳肝曼谷華欣10天之旅 (前奏篇)

泰梳肝曼谷華欣10天之旅 (Day 1 美食篇)