泰梳肝曼谷華欣10天之旅(Day 1 美食篇)

今日繼續14號 Day 1美食篇, Check In 完後,

再影一大輪酒店相已經係下晝12點幾啦, 係時候出去搵Lunch食,

因為呢間酒店坐落大使館區份, 唔係旅遊旺區,

所以想搵地道野食, 但又唔想行15分鐘去BTS站的話,

就要打的啦!

落到Lobby, 酒店Bell Boy非常醒目咁幫我地截左架的士,

原本諗住打的去市出心Siam區份, 但因落雨同塞車關係,

上左車, 塞左成半粒鐘都仍然係酒店附近的BTS Saladang站喎,

黑面爸爸即刻叫司機停車, 唔係再塞落去, 就會徙晒我地d寶貴時間, 

呢程我地搭左60 Baht (即港幣14蚊), 塞咁耐都係咁平, 真係抵爆, 哈!

因今年3月去泰腳時仲用淨泰幣, 所以一陣去Big C的Superich先唱錢錢囉,

落左車後, 我地就索性係Saladang附近搵野食先啦,

唔係再轉BTS去Siam的話, 會餓瓜我地兩件餓人架!

當餓餓地時, 我地對眼就突然見到救星啦, 就係下面呢間.....

一坐低個位暗暗地添, 因我今次去泰腳出街影相,

都係帶住Canon 40D同50mm鏡頭,

部豬拾(G10)就等黑面爸爸自己影飽佢啦....

 部40D外閃當然無拎出街啦, 行街Shopping當然盡量以輕便為主,

所以有d相唔係幾夠光, 內閃我都唔用啦, 因廢樹影嚮其他食客,

睇下叫左咩先....

(泰腳咁熱, 最好叫Shake Shake, 我地叫左西瓜冰冰同菠蘿冰冰!)

 

(太掛住泰腳單骨雞翼啦, 所以第一餐即刻叫黎懷念下! )

 

(咖哩炒蟹肉薄餅, 幾鬼好味, 下次行過都可以再ENCORE架! )

 

(海鮮焗飯, 濕濕地, 香噴噴, 唔錯,

呢間野果然有少少水準, 埋單Baht 560, 即港幣130蚊!)

食到少少飽啦, 就開始去MBK, 水門街同Siam一帶行街街,

去到商場見間幾年來都無動力入去幫櫬的雪糕店,

就櫬今次我地的坐右銘係"不走回頭路",

暫時唔再幫櫬Swensens啦, 就一於入去呢間食雪糕糕啦......

(我都唔鬼記得呢間野個名, 但好多商場都有架)

 

(睇下黑面爸爸學我影野食喎,  但條友仔都無咩耐性,

之後都無咩影啦, 只影左少少風景, 靠睇佢d相就死得啦,

嘩哈哈哈哈哈!)

 

(黑面爸爸叫左呢set, 個個球都有nuts架, 仲不同味有不同nuts,

我好鬼Like有nuts雪糕糕架, 下年我一定會encore!)

 

(因我以為自己比較細食, 所以叫左呢杯仔咋,

點知唔係好夠喉喎, 後尾食鬼埋黑面爸爸果兜囉!,

呢餐雪糕食左Baht 180, 即港幣42蚊!)

食完雪糕糕, 又黎繼續行街街, 行到6點零,

買到一抽二NUNG時, 黑面爸爸話不如去MBK附近的建興食癲拿囉,

我實奉陪架, 但拎住鬼咁多野, 真係幾難頂,

咁我地就拎住本旅遊書, 一路搵間野啦, 點知搵左9條街先搵到,

(因MBK一帶出名塞車, 所以我地打死唔打的), 所以行到想死架!!!!!

一坐低又黎飲冰冰.....

(我飲芒果冰冰, 佢飲西瓜冰冰, 行到隻野咁,

飲一啖,  即刻舒根活絡, 呵呵呵!)

 

(我地食左咁多間餐廳, 我地覺得最好食都係建興的公車腩霸啦,

亦即生蝦, 隻隻肥美兼新鮮, 超得!)

 

(睇下夾起好大隻架, 而家諗起都流口水! )

 

(叫左中Size的咖哩炒蟹, 水蟹黎架, 麻麻地遮! )

 

(叫左蟹肉魚膘羹, 足料, 湯底夠晒濃, 岩晒我地胃口!)

 

(又多蟹肉又多魚膘, 唔錯唔錯!)

 

(再黎每人兩隻生蠔.....)

 

(只唧青檸汁食又得, 泰式食法都得, 但我當然鐘意泰式食法啦,

呢餐食左Baht 1140, 即港幣265蚊, 抵!)

食飽飽又拎住鬼咁多野返酒店, 所以唔理塞唔塞車啦,

出去截的士好過, 見到有架話返酒店Baht 100啦, 即港幣23蚊喎,

諗都唔諗, 即刻彈上車啦, 好彩夜晚又無咩塞喎, 哈哈哈!)

因為之前係Siam Paragon買左枝紅酒, 買左Baht 700,

即港幣162蚊, 返到酒店梗係要開黎嘆下啦,

我之所以咁鐘意住Apartment就係其中一個原因啦,

即係連紅酒器同酒杯都有埋係櫥櫃任用,

真係方便到爆架.....

(紅酒配酒店送的Welcome Fruits!)

 

(再黎係Siam Paragon超市買的超甜紅柚子,

真係係香港從未食過咁甜的碌柚架, 好正呀!)

一路聽住CD, 一路嘆紅酒, 簡直如同係屋企一樣,

我好Like呢隻Feel, 咁如果有埋哥妹鬼豆係度就更Perfect啦!

(p.s. 呢10日入面, 全城兌換價最高的Superrich都只係得4.3,

比我地今年3月時的4.53低左dd,但都好過無啦! )

Day 1行程完畢, 再黎會係Day 2, 請大家密切留意.......

 

如果想重溫呢個旅程, 請Click以下網址:

泰梳肝曼谷華欣10天之旅 (前奏篇)

泰梳肝曼谷華欣10天之旅 (Day 1 酒店篇)