泰梳肝曼谷華欣10天之旅 (Day 4)

今日又黎繼續 Day 4行程啦, 因為夾岩係星期六,

所以我地每次都唔會放過去超多野買但超熱的翟道翟JJ Market.....

晨早起身, 食埋個早餐後, 我地就用最簡單裝備及裝束(大細相機都無帶),

但就帶晒大大個的環保袋去尋寶,  然後起程去MRT站搭地鐵去JJ啦,

去到都未夠10點, 人流未算多, 真係好, 但晏d就知味道啦!

咁早去到, 咁我地可以盡情行多d, 買多d, 買到咁上下,

差唔多係食Lunch時間啦, 我地就去左街尾有冷氣的Small JJ Market度

食Black Canyon, 但呢餐Lunch相片欠奉.....

買下食下飲下咁就過左5粒鐘啦, 但唔知點解,

今次行得好鬼癲, 完全無意識要抖下, 我對豬腳仔仲好似上左摩打咁添,

唔通食左生日隻乳豬後, 以形補形?????

到左3點零, 我地就搭地鐵返酒店放低戰利品, 立返部40D後,

然後就去左Big C後街的Superrich再唱錢錢, 準備聽日去華欣嘆世界啦......

上滿彈藥, 就係Big C後門搭Tuk Tuk 去Suen Lum夜市, 開價Baht 100, 即港幣23蚊,

即每位Baht 50, 都唔係好貴喎, 就一於試下搭Tuk Tuk啦,

Tuk Tuk有樣好, 就係快到爆, 左穿右插, 仲避開晒所有塞車位,

雖然係危險少少, 但咩都試下啦,

竟然唔駛10分鐘就去到Suen Lum 夜市啦, 勁,

如果搭的士的話就唔知要塞幾多粒鐘啦!!!!!!!!!

6點去到就搵間有冷氣的意大利餐廳食個癲拿先......

(又黎西瓜冰冰, 我地每次必叫架喇! )

 

(蒜蓉多士配蕃茄醬水牛豬屎!)

 

(細細片, 都幾好味)

 

(再黎個青口炒蜆仔, 幾得意喎!)

 

(海鮮Pizza, 餅底脆脆地薄薄地, 我鐘意!)

 

(黑面爸爸話要食魚喎, 所以我地食到又中又西囉, 哈哈哈,

呢條係清蒸鱸魚, 估唔到以意大利餐廳黎講, 都算蒸得幾滑滑同鮮甜喎! )

食飽飽, 埋單係Baht 1200, 即港幣280!

食完一行出黎就係Suan Lum夜市啦, 咁就又行呀行呀,

差唔多返酒店時, 係夜市每人隊左窩魚膘羹,

食飽飽後, 差唔多夜晚9點就返酒店, 然後由黑面爸爸 pack 行李,

準備聽朝去華欣啦, 華欣我地黎啦)))))))))))

再黎會係Day 5華欣篇, 請密切留意!!!!!

 

如果想重溫呢個旅程, 請Click以下網址:

泰梳肝曼谷華欣10天之旅 (前奏篇)

泰梳肝曼谷華欣10天之旅 (Day 1 酒店篇)

泰梳肝曼谷華欣10天之旅 (Day 1 美食篇)

泰梳肝曼谷華欣10天之旅 (Day 2 預祝生日篇)

泰梳肝曼谷華欣10天之旅 (Day 3 生日篇)