三輯婚照的評價

好，等我記低3輯相有邊D SALES先：

第一輯MONALISA：

落單：尖沙咀分店LING

（網上有人話佢NICE，但我一D都唔覺得佢NICE，因為我幫埋朋友落單一齊做UPGRADE，即使有兩單生意，佢都仲好COOL咁唔FREE多D野俾我。想當年我同呢個朋友去EXPO行既時候，個SALES會因為我地兩個人一齊JOIN，就主動FREE好多野俾我地，只不過當時我地未落實結婚既野，所以無JOIN到。呢輯係第一輯，當時又無乜經驗，所以就算啦～）

化妝：VIKO

（後來係網上都有聽過人話佢好，但我真係覺得好一般，佢化我對眼化得好差，仲差過無化既時候，而且有大細眼。都係果句，因為第一次無經驗，唔識要求。）

攝影：BEN

（呢個真係令我超失望，拎既角度麻麻之餘，我塊面成日俾男友遮住都照影，仲要部相機有好多黑點，影左出黎既相好多黑點。收相時依然見到D黑點，搞到要拎返去門市執，搞左一排。）

揀相SALES：真係唔記得叫咩名

（揀相時一D都唔NICE，好似舊木咁，有D黑面。不過後來我既相有黑點要執，佢都算係咁，有幫我跟進。）

整體感覺：即使我係UPGRADE PLAN，以當年MONALISA舊景黎講，無得用COUPON當＄1000 JOIN PLAN，應該都算咁上下啦，但我只覺得MONALISA既SERVICE係睇唔起COUPON UPGRADE客，更何況唔UPGRADE果D呢?因此，佢搬入馬灣後，雖然我都覺得有D影得幾靚，但見過好多朋友影完之後，發覺MONALISA既質素係最無保證既，所以已經打消左再影MONALISA既念頭喇～

第二輯FRANCE BRIDAL：

落單：SOGO店CANDY

（即使我唔UPGRADE，佢都好NICE，無迫我UPGRADE，之後我打電話去問野，佢都好NICE咁答我）

化妝：KEN

（雖然佢唔係全程SERVE我，之後由另一個有D似蒙嘉慧既MUA幫我轉頭，但整個過程都好好，KEN幫我化既妝好靚，自然過MONALISA好多，整體黎講，FB整出黎既造型好好。）

攝影：亞SAM，助手BENNY

（雖然佢唔係咩星級，出黎質素當然唔及星級果D，但我無UPGRADE，第一輪揀相都可以係84張入面揀到40幾張，後來都係唔想OUT BUDEGT，所以先CUT相。整體黎講，SERVICE都好好。）

揀相SALES：CHRISTINE

（雖然我只係COUPON客，但佢都算幾NICE咁俾我自己揀，我無乜加錢，佢都無黑我面；不過後來臨尾開單果下，有個叫ALICE既走埋黎，就好似想我地快D走咁，但我無乜加錢，SERVICE都算係咁啦。）

整體感覺：FB俾我既感覺，係服務好好。就算我無UPGRADE，佢地都好NICE咁SERVE我，同MONALISA 有UPGRADE COUPON既情況相比，真係差好遠。

第三輯新天地：

落單SALES：MEIDY

（佢都幾NICE，雖然無FREE野俾我，不過後來我再拎張單去要求加D條文，佢都好好咁幫我跟返，唔係收左錢就唔認數既SALES。）

化妝：JOEY

（本來我係BOOK Tiffany So，後來換左佢，真係好開心，佢好專業，我係之前兩間都成日講自己塊面會影得好肥，但D SALES都唔識幫我做乜，只係打少少陰影咁，等個攝影師去就，唯獨呢位SALES，識得幫我整少少頭髮去遮，技巧仲好一流添。於是，我今次影既相，真係靚好多呀，一D都無肥面的問題。）

攝影：LINCOLN，助手亞文

（可能我係參考以前既資料，以為LINCOLN係出名攝影師，但其實依家亞文先係攝影師，但當日佢做左助手。LINCOLN影我既婚紗造型好俾心機影，亦影到好多靚相，但都仲有可改善之處，例如影花花景，就影埋側邊架車。影到晚裝時，打燈唔太好，搞到影得幾差，最後民族服就更加睇得出係頹影，個樣都未READY就影。不過，因為婚紗果度影得靚，咁就算啦！因為影得太靚，我就會OUT晒BUDGET，哈哈～）

揀相SALES：ELIANE

（個SALES雖然都強顏歡笑咁，不過佢個樣都有少少黑面，或者係見我無乜點大加錢同相啦～SERVICE係一般。）

整體感覺：新天地既衫同景都比MONALISA同FB舊，同無咁GRAND，感覺上無咁大規模，地方又細好多。不過，好彩影出黎既相都係靚既，但SERVICE一般啦，除左JOEY，我覺得佢係整個過程中最好的。