令人難忘的酒家

上星期同同事去西環食飯, 話有好野食喎!!點知去到, 間舖無左!!!! 於是就隨便搵間酒家就算啦!!!嘩!!!真係一食難忘呀.....!!!

我地叫左個套餐, 多野食, 又夠咁多人食, 唔錯!!食到差唔多時間, 等左好耐仲未齊餸!!咪吹吓囉!! 嘩!!! 吹到發火呀!!吹左成個鐘先到左兩味!!仲有另一味差唔多等左半個鐘!!都唔知吹左幾多次!!點做野呀!!如果唔係個餐,鬧完取消就走呀!!

最痴線都唔係呢樣野!!估都估唔到呀!!有同事坐坐吓個椅背突然斷左, 成個人向後翻跌左落地!!成間酒樓嘅人客都見到!!有d人仲話有無搞錯, 咁兒戲!!如果係老人家就大件事!跟住有個侍應過來換左張櫈, 攞走張斷櫈, 無講任何野就走左!!最衰就係個所謂嘅部長物體, 睇住件事發生, 但竟然笑笑口唔理咁企係遠處睇!!另一同事睇唔過眼就大聲叫佢過嚟!!佢仲笑笑口, 軟皮蛇咁, 多多藉口!!氣頂!!道歉都唔講聲!!同事鬧得更加大聲, 佢咪無隱, 收聲, 笑唔出囉!!比左錢後就走!!都廢時鬧佢!!

都唔知係咪男人呀!!點做野呀!!基本服務態度都無!!仲係到扮傻仔, 笑笑口當無事!!呢d咪就係比人鬧囉!!

大家想知係邊間酒家的話, 請看下面!!有機會去西環, 無野食都唔好去呀!!食左背脊骨落呀!!可能仲要比埋條命呀!!