南丫島生日camp

16, 17/8去左南丫島，呢一次係我地劇團第一次成班人唔係排戲，只為娛樂咁聚埋一齊去玩，而最開心的，就是同我慶祝生日！

原本大家唸住坐船到索罟灣行山路到榕樹灣，放下行李，吃海鮮，但由於天氣太好了，所以團長已提議直接到榕樹灣去，免得大家得番半條人命！

出發前當然影番張相啦！

gigi呢張相實在太好笑！

團長係呢個時候送上生日禮物，實在太高興啦！！!!!!!!!!!!!!!

到左榕樹灣，當然又影番張啦！

因為有人想游水，所以我地由榕樹灣行去洪聖爺灣，沿途當然見到好多我嘅好朋友啦(狗)！所以不停要左閃右避，又要護駕，都幾忙呀！

而且仲見到佢呀！

同鬼佬食lunch喎！

仲有佢呀！

哈哈！估唔估到佢係邊個呢？

大熱天時食冰凍嘅豆腐花！正呀！

去到洪聖爺灣，對住藍天碧海，梗係要影吓相啦....！

點解呢張相好似係到交易咁嘅？

呀mo性感嘅一刻！

呢個小朋友先恐怖呀！

好低能，跳極都影唔到我地跳起！ 但好好笑！

洪聖爺灣.........

返回榕樹灣後，我地去左一間海鮮飯店食飯，仲切餅呀！當然啦！食完之後都係有嘔！但其實佢地已經就我啦！無叫d食左我會死嘅餸，但無辦法啦！個胃唔好！而係呢個時候，miran送上佢自製嘅禮物(可惜無影相！)大家都大笑起來！

返回渡假屋，有打麻雀，玩啤牌，睇vcd，到4:00a.m.先訓！因為床位唔夠，又傾左半個鐘先決定點訓！我最後係因為太凍(無被)所以每個鐘頭醒左一次，醒到九點幾就唔訓，因為要早走去排舞！

leo陪我食完早餐後，我就坐船回港了！

雖是短短兩日，但感覺輕鬆之餘，也覺得非常開心！難得大家聚集不是排戲，而是去遊玩，感覺很特別！最開心的是因為是次camp係為我生日而設，很多謝gig做聯絡，又安排飲食和活動，心裏真的感動！也多謝各團友的參與，給我一個特別的生日，也是一份很好的生日禮物！