623~blog聚

媽打近期係blog 界中玩失蹤，好耐冇寫網誌，連去探blog友的時間都少了，原因都係一個"忙"字。這個月大大小小的約會或教會的探訪工作是我歷年之冠，同事都話媽打今個月好"野性"，成日放工後唔返屋企.....好彩花打冇咋型，因為佢都識得我啲朋友，知道我係正經嘅聚會，所以都好支持。

今個月最期待的日子終於到喇，就係6月23日嘅blog聚，今次有玻璃人兩母女、jo姐、大家姐、仲有第一次見嘅如月同SHOW ME。媽打好興奮，為咗今次blog聚，做咗五個蛋糕花，一人一個(珠琳，你緊係同媽咪sweet sweet，一整齊擁有一個啦！)。其實原本打算只送給第一次見面嘅如月同SHOW ME，但買花材時覺得既然都係做，不如買多啲，做多幾個，等人人都有，咁就真係皆大歡喜喇！

SHOW ME覺得我一定係花咗好多時間去做咁多蛋糕花，但係媽打由包裝至插好所有作品，其實只用咗一個多小時，可能係熟能生巧，即係話平均只係用咗20分鐘完成一個，為咗令你地開心，媽打覺的辛苦都值得。

不過，正如如月說，每次見面都唔係一定要伴手禮，所以下次媽打如果沒時間或沒有新作，都未必會送禮物架，你地都係呀，下次俾我見吓你地就夠喇，最緊要係大家感覺舒服就得喇！媽打覺得能夠係寫網誌的過程中認識到你地一班好朋友，覺得很奇妙，希望我地有更多的blog聚......期待著6X~K聚。

如月，你知唔知我坐係你對面時，成日望住你對眼睛架，媽打覺得你的眼睛雖然細細的，但好charming，唔知點解忍唔住望多你兩眼？仲有，我地真係有好多共通點，真係有相逢恨晚的感覺.......

至於SHOW ME，你係一個長頭髮、配著一對大眼睛、溫文儒雅的女孩，雖然因為坐位有距離，較少交談，但看著你有一種好舒服的感覺，希望我地下次可以傾多啲.......

至於一班老友記，JO姐、大家姐、玻璃人同琳琳，能夠同你地再見面當然係好開心，一切盡在不言中！琳琳，多謝你彈俾我嘅IQ問題，媽打姨姨有你啲IQ問題傍身，第二時見到啲小朋友都有番一招半式去應付佢地囉！

睇吓媽打收到啲窩心伴手禮........

SHOW ME嘅朱古力戚風蛋糕.....好鬆軟，冇得彈！

如月嘅花生酥同斑蘭九層糕，要做九層，一定花咗好多時間同心思.....我忍唔住blog聚之後返到屋企已經即係攪掂佢，擺咗入保險箱.....

有琳琳親筆簽名嘅畫作......小沙很可愛啊！

大家姐嘅愛心滋補湯包，正所謂女人唔補好易老，多謝你嘅體貼.....

仲有係jo姐嘅蒟蒻，好sweety、好yummy........

同場加映mommy dearest越洋送上的鳳梨酥，好味到不得了，多謝你！