媽打出關喇

媽打呢幾日閉關，連續幾日都冇去寫網誌或去探你地，因為媽打正在趕工，希望做一些手作仔去送給已為人母的朋友及自己的家姐和嫂嫂們。我分階段製作，相應我們見面的時間而去送給她們。

同事方面，繼上年母親節收到我的提子鎖鏈扣之後，星期一(4.5.09)已率先收到媽打今年為佢地預備的橙色康乃馨小花束，媽打一向博愛無私，不論已婚或未婚、是否做了媽咪，只要是女性，都會收到一束，所以我都為佢地共預備了15小束！

這是全部花材.......

分成15份小花束....媽打還為她們預備大小高矮不同的小花樽，讓她們自行修剪....

這是其中一位同事自己將花才插好的模樣.....花器由媽打提供，是在JUSCO十呅店買回來的一個的藍色花灑，很別緻的花器......藍色？小啟詩一定鍾意！

至於朋友方面，媽打今年主打水晶衣架，等佢地日日掛住我，jo姐，玻璃人同大家姐已經係上次blog聚時收到喇.......

最近又一嘔心瀝血傑作(其中部份)..........

仲有，我今日有一個好重要嘅約會，希望將愛心衣架送給我兩位好重要嘅人物，先看看禮物包裝吧......

冇錯，就係衣架，心意咭同黑莎和金莎朱古力

呢兩位重要的人物就係我好佩服同仰慕嘅blog友..........一個花藝精湛而另一個做起手作仔時會孜孜不倦，做迷你手作出色外又充滿愛心.......我簡直就係佢地小fans........

佢地就係我敬愛嘅甘夫人同May姨喇！我地三人係雅蘭中心的常悅素食吃晚飯。其實大家都好斯文和內歛，起初有一點拘謹，但當大家warm up咗之後，加上話題放到花藝上時，夫人就開始有好多分享，聽得媽打如痴如醉，夫人仲教咗媽打一啲插花嘅技巧，確實令我獲益良多，可惜今晚相聚的時間較短，不然的話，我地有說不盡的話題。

至於May姨，我地可謂一見如故，我們的話題大部份在回家的路途上，因為大家都同一區居住，所以有排傾。May姨更送給我和夫人各人一斤日本花茹做伴手禮，真係一啲都唔簡單！

嗱嗱嗱，咪眨眼呀，真係唔講得笑架！

聽日繼續趕工，就係為我家廚房CEO做番啲手作仔，做好第一時間會post出嚟，我聰日要返工，我要瞓喇，早抖！