始終都係家庭醫生好...

B囡第770日大 & 細B第338日大

一直都無懷疑過, 每次女兒"傷風咳"睇兒科醫生, 一個要收$360, 真係好貴咩?!?!  日子耐左, 病痛多左, 朋友A又講吓, 朋友B又講吓, 就開始覺得可能真係貴左啲啲掛!!!...   加上"高醫生"唔休做, 成日放大假, 媽媽都要搵定個"醫生"比B囡細B做後備, 所以近期, 每當女兒病倒, 媽媽開始周圍轉醫生睇...   點知...     真真真錯錯錯錯錯晒!!!!...   就最近一個例子, B囡普通流鼻涕, 睇左三個唔同嘅醫生, 醫唔好唔再話, 病情竟然仲一次比一次嚴重!!!...   昨日, 帶B囡返回"高醫生"診所睇...  昨晚食完藥, 深夜即刻無晒喪咳...  今早瞓醒, 人精神又開胃, 無晒咳咳&鼻涕, 當場好返九成哦!!!...      所以話呢~ 價錢平定貴?! 醫生好與否?! 都唔係重點, 最緊要係該診所嘅藥, 同我啲女夾唔夾喳!!!!... 

好耐無播"迪迪尼"...  B囡細B睇到眼都唔眨^^   哈哈...

雖然B囡已經好返好多, 但又一如已往, 每次病好就會肚痾 [喪痾水, 痾到patpat紅晒  T^T ]  媽媽講明 B囡食親"抗生素"都會肚痾, 同場"楊醫生"仍堅持藥開, 仲竟然講出一句媽媽聽左覺得好唔舒服嘅說話 : 橫掂你都話你個女便秘喇, 食"抗生素"順便痾吓啦...    媽媽心諗: 嘩~ 咩態度呀?! 就算係事實, "高醫生"一定唔會咁樣同我講囉 @@"...   真係O晒咀!!!... 

因為要照顧喪痾B囡, 全日都無乜心機影相, 有電視睇, 細B總算無咁痴身!!!...

晚飯時段...  開飯啦~~  B囡細B次次都要坐返自己張櫈, 自己嘅位置, 如果掉轉左, 就會勁扭計 [基本上兩張櫈係一樣, 到底係點分得出張櫈係自己果張呢@@"]...   可憐細B 早兩日被B囡"用無情力一掌推埋牆"...  今日塊面見倒瘀傷一大達喇  T_T  慘慘...  

飯後果~~    提子子^^      細B麻鬼煩呀!!!   一定要幫提子"去皮"佢先肯食  @@"  媽媽話佢 "食提子都食得麻煩過人嘅!!!"...   細B即喊 =.=" ... 

臨瞓前... 一人一部手提電腦, 再玩多陣, 好瞓喇!!!...