一家四口去睇戲...

B囡第786日大 & 細B第354日大

近期啲天氣真反常, 突然激凍幾日後, 又突然喪熱幾日!!!!!   日間熱到甩皮, 入夜又寒風吹吹吹!!!!    玩晒野咁  @@"...       今早媽媽牙都未1戈閒刷就忙於洗衫/浪衫 [無錯~ 啲衫真係多到日日都要開幾機洗  =.="  就黎做死人個女 T^T!!!]...        11:00am  爸b B囡喪嘈嘈嘈, 嘈住扭出街   @@"    唉~ 長命功夫長命做~  好~ 換衫, 執野, 出發!!!...         由於太多朋友話爸b買左只有一年嘅手提電腦"勁似阿伯收音機", 所以前晚爸b又換左部新手提電腦  @@"   落到街, 爸b第一時間仆去"黃金"幫部"新腦"痴保護貼 -_____-   "新屎坑, 至少都有三日香"嘅!!!!...       媽媽B囡喺"黃金"樓下食住雪糕等待中...      N年無食雪糕嘅B囡, 成功分食倒一小杯, 竟然開心到喪傻笑 @@" 哈哈... 

落到街都未知想去邊?!?!    條街勁熱, 唔知點解, 好自然地伸手就截左架的士上 @@"...    12:30pm  無啦啦就過左"銅鑼灣"喇!!!...     媽媽鐘意"占基利", 爸b又想去睇戲, 所以即刻網上買票 [ 3:40pm 魔幻聖誕頌3D]...    "時代廣場  金滿庭"中...    

食飽飽, 仲未夠鐘睇戲, 放"兩隻豬"行吓商場, 影吓相先... 

一睇就覺得係"幾米"嘅作品, 都幾靚嘅^^    不過可能因為媽媽無腦, 全場除左有幾隻企鵝帶左"疑似聖誕帽" & 掛左幾個"疑似聖誕鐘"外, 完全感受唔倒任何"聖誕氣紛"?!?!  相信媽媽已經過時了, 還停留在聖誕節應該係"有無數閃閃燈 + 大大棵聖誕樹裝飾"嘅心景 @@"   out晒!!!!...      

眼見整個布置都幾靚, 幫B囡細B影相後, 又幫爸b影相...    背景算特別, 媽媽都想影返張單人相留念點吓!!!...     媽媽幫爸b影嘅, 雖然唔算得上係好, 不過至少都影倒啲"樹樹 & 聖誕企鵝"呀!!!...

  [返到屋企, 睇相時...  點解爸b可以幫人影得咁求奇架 @@" !!!]...   咩事影成咁呢?!?!   到底爸b係咪唔識影相嘅呢?!?!    最想要嘅背景去晒邊呢?!?!     仲要影到媽媽勁肥"大羅友"囉   =.="   激氣呀!!!!... 

影完相... 搵地方幫B囡細B換片...    時間啱啱好, 夠鐘睇戲...   入場前, 一定要買"爆谷 &飲品"!!!  可以話係同小bb睇戲嘅"必備品"[唔like食嘅例外@@"]!!!...

細B依個名叫"頭側側望住啲爆谷, 驚死無得食嘅為食樣" @@"  ...

入場喇~ 入場喇~  襯未熄燈, 影返兩張相先^^ 兩姐妹好似一對小情侶哦~.~" ... 

仲諗住會係套"無聊喪笑片",  點知,  竟然係鬼片, 仲要啲音響好勁吓!!!  心兒瞓著左都嚇醒幾次 @@"  不過B囡好勁, 竟然可以好乖咁睇晒成套戲, 最後仲要大讚自己無喊無驚好叻女添 @@" 真係估佢唔倒哦!! 哈哈...    睇完戲, 去左行"宜家",爸b要買聖誕飾物布置公司喎 @@"...  行到腳攰, 買完野, 就搭MTR過返"深水渉", 陪爸b返公司布置 =.="  之後就返屋企喇!!!...    極速幫B囡細B沖涼, 就煮"飯仔"佢地食...     攰攰攰攰呀!!!...      細B真係愛上食"粟米"呢!!   同B囡分食左一大湯碗"粟米蓉肉碎蓉飯仔"...   兩個爭食, 最後仲食晒成湯碗 @@"  飽晒!!!... 

近期, B囡好鐘意畫畫畫, 晚晚都會叫媽媽開枱仔佢畫畫...  細B成日走去攪家姐, B囡就會好忟咁大叫: 唔好攪家姐呀!!!...    一係就會叫細B : 坐好隔離睇家姐畫啦, 好無?!...    @@"    "管家婆"越大越"八婆仔"好鬼好笑哦 ~.~"  呵呵... 

細B可能不甘B囡"漠視佢存在",  竟然襯全家人都唔為意,  偷偷偷左爸b"飲左一啖就擺喺電腦枱上嘅可樂",  仲竟然係神不知鬼不覺下攞住罐可樂,  由電腦枱行左去"B囡畫畫位置"...   竟然夠膽死成罐可樂倒向B囡  =.="  因為同一時間, 媽媽想望吓細B攪緊乜, 所以睇倒晒成個"電光火石之間嘅案發經過" @@" [ 頂~ 沖晒涼, 就瞓架喇, 搵啲咁嘅野攪呀!!!!  火滾呀!!!!]...    媽媽喪鬧 + 清理現場中...      B囡被突如其來嘅"淋可樂", 加上佢仲未畫完畫, 所以喊到癲晒, 塊面紅晒 @@"...   

細B被媽媽責罵中...    即刻整個"可憐喊樣出黎"  =.="   至叻扮野!!!...      最後, 又要攪一大輪, 先有得上床瞓  @@" 苦命人  T_T"!!!!...