睇貓狗表演...

B囡第813日大 & 細B第381日大

早喺上個月中, 媽媽幫細B網上報名參加左兩個 X'mas party[比埋錢架喇], 分別係今日&聽日...   點知...  上星期日B爺突然提出相約大家今天一齊去"黃埔"睇表演&夜晚返入"將軍澳"食冬至飯    @@'    Oh No~  當然係屋企人大過天啦, 聖誕party再會喇  T^T" ...     下午, 餵飽B囡細B, 執好行裝, 換衫準備出去接爸b收工...    一開門就知有街去, "兩隻豬"巧開心哦!!!... 

相信媽媽已經練得一身好肌肉!!!  力大無窮了!!!     前孭細B, 後孭"背郎", 左孭"孖B車", 右手拖B囡一齊行落樓...      平安到達地面, 感覺竟然無想像中辛苦呢^^     我已經充滿力量喇!!!!  哈哈哈...        新車落地, 第一次揸"孖B車", 感覺好爽哦!!!   無重一身輕, B囡細B又坐得好開心^^   呵呵~  唯一缺點 咪就係真係"牙炸"左啲囉, 一推出街, 引起成街人注目  @@" 都幾尷尬吓  =.="  不過唔洗孭, 真係舒服好多好多呢!!!...    孖B車萬歲!!!!!...

接爸b收工後, 就打的入"黃埔", B爺已經喺酒樓開左位喇^^    酒樓中, 細B喪食食食  =.="  唔識飽架?!?!...   B囡一見倒B爺就即刻跳車 @@" 要坐B爺隔離畫魚魚, 淨係痴住B爺~~   媽媽又再次鬆晒!!!!!  呵呵呵...   

食飽飽, 就出去排隊睇表演喇!!!...    期待已久, 仲諗住會好精彩...     好唔好睇?!?!  見仁見智啦!!!  媽媽都唔想多提...  哈哈哈...    

扮獅子嘅狗狗...   呵呵呵~ so funny^^  ...

睇完表演, 大家就坐B大伯架車入"將軍澳"... 未夠鐘晚飯, 所以上B爺屋企"Hea"吓先!!!!...    B囡捉B爺陪玩"釣魚遊戲", 細B食"玩具魚竿"中 @@"...

酒樓中...   同爸b親人食冬至飯, 分兩圍枱坐...    推住架"孖B車"其實都幾大壓力, 因為一路推一路會聽倒"路人甲乙丙"手指指大叫: 嘩~ 孖仔車呀, 孖仔黎架!!!<<<  我心諗諗, 點睇都唔似孖啦~ 下話  @@"...        酒樓坐左個激凍位, 媽媽凍到無晒知覺  T_T"  細B好乖, 食飽飽就瞓著左, 瞓到差唔多埋單先起身^^   B囡就仲叻, 大部份時間都坐左喺B爺將枱, 等媽媽有餐安樂飯食吓^^  叻女!!!...      食飽就返歸嚕~~