扮野妹...

B囡第803日大 & 細B第371日大

今日天氣仍然唔好, 天陰陰, 雨蒙蒙, 又濕又凍...   係媽媽最討厭嘅天氣!!!...    天氣影響心情, 真係做乜都提唔起勁, 淨係想依日快啲過  @@"  消極的一天!!!...

細B越大越曳!!!  肯定曳過從前嘅B囡...      而家最叻係"扮野",  唔準佢做嘅野, 佢偏要做  @@"   打佢咩?!  佢個"un皮妹"一啲都唔怕, 無反應, 照做可也...       鬧佢咩?!  佢隻"扮野精"即刻扁晒咀, 流晒眼瞓, 喊得好慘咁望住你, 仲要一臉無奈嘅衰樣   =.="   玩晒啦  ~.~"  咁慘~ 點嬲得落喎  @@"...

而B囡就越大越叻女^^    開始好肯同細B玩, 有時都會主動照顧吓細B^^    例如細B跌倒喪喊, B囡會衝過去抱起細B叫細B企好 唔洗驚 [不過B囡係唔夠力抱, 淨係喪扯細B, 攪到細B喊得更大聲 =.="]...  眼見B囡進步左好多, 真係好安慰, 記得之前成日擔心/懷疑B囡可能係"有問題小朋友"?!?![因為佢成日發癲@@"],   而家見佢一路進步, 懷疑開始減弱!!  而家最,惡攪嘅係B囡嘅脾氣, 真係臭到不得了, 又硬頸, 又小器 @@"  真係要好有心機慢慢教好佢哦!!!...  

原本今日返Playgroup架, 不過B囡仍有鼻涕, 所以又返唔倒喇 =.=" ...      日日留喺屋企B囡細B一定好悶喇, 不過無計啦~  好返晒就可以出街啦!!!!...       沖完涼...  一人飲支"加料奶"...  嘿嘿嘿...

細B又"扮野"喇!!!  B囡食熙"星星餅", 但因細B有咳咳, 媽媽唔俾細B食, 細B即刻喪咇眼淚+喪喊 @@"...  有無咁慘呀!!!!...

眼都唔眨望實B囡前嘅"星星餅"... 

B囡分一粒細B食...  細B即刻笑晒口 @@"...  

哈哈~ 平時媽媽好鐘意咁樣同細B玩, 估唔到B囡都識喎!!...   

個頭"中"前"中"後+扮個古怪樣, 黎引細B笑^^  不過細B對"星星餅"興趣大啲...  

夜晚"麻甩蕉"上黎痴餐...  B囡勁興奮, 喪 辣蕉~ 辣蕉~ 咁大叫 @@"...   細B都終於無喪喊喇, 仲肯比"麻蕉"抱抱添^^...  "Hea"到10:00pm就走人, B囡細B都準備瞓覺嚕...

哎呀?!!?   點解擺唔倒video嘅?!?!!?...  擺左video就無晒篇blog?!!?  唔擺又出返黎?!?!? 玩咩呢?>!?!?!...