剪頭髮 @ 拜訪龜宅...

B囡第778日大 & 細B第346日大

踏入秋冬, 又係媽媽整頭嘅時候, 一向都無固定髮型師, 次次都係求奇搵間整!!   上星期某日MSN相約Aunty丁搵日幫忙睇B囡細B, 傾傾吓, Aunty丁 話既然無相熟, 不如試吓搵我地中學同學"現代股神"整啦!!!...    都好~  即約~ wakakaka~  今日就係喇!!!...     "股神"話星期六日都幾多人, 媽媽最怕等, 所以我地好早就出發嚕!!!...   11:00am  " 愉景新城  唐朝"中...     媽媽又係電"負離子"喇 !!    天生"卷髮"唔keep住電直, 會好樣衰架 @@" 哈哈~    媽媽整頭時, B囡好乖咁坐埋一邊睇魚魚, 而細B就痴到Aunty丁實一實...     

前後差唔多四個鐘先整完 @@"   中段, Aunty丁又孭又帶B囡細B去"反斗城"玩, 又買糖佢地食, 最後仰勁到氹"兩隻豬"瞓晒!!  真係辛苦晒 唔該晒哦!!!...     [話說媽媽電頭時,  細B扭計, 媽媽出手抱細B, 點知, 細B竟然喪喊 反抗 逃跑 返Aunty丁懷抱  =.="   竟然連媽媽都唔認得!!!  可惡!!!...]... 

攪掂媽媽髮型後, "股神"話 : 嘩~ 細B個髮型你剪架?! 好樣衰囉!!!...  媽媽答: 係咁上下啦!!!  咁巴閉, 你修吓喇!!!...   最後...  "專業髮型師"仲剪得衰過媽媽囉  @@" ...

整完頭...   過"美食廣場"食野...    "龜族人"突然致電, 問入唔入佢"新居"打邊爐?!?!   我地當然即刻話好啦^^   點知, "龜族人"屋企乜都無  @@"  我地要陪Aunty丁返屋企"攞齊架餐"之後先過"龜族人"屋企...  哈哈哈...

黃昏...   一出大街, 天陰陰, 開始覺好凍凍凍凍...    喺"街邊檔"用$70買左件背心比B囡, 哈~ 都幾靚, 而且仲好暖添^^   等巴士入"屯門"中...

細B今日好好瞓呀, 全日大部份時間都係Aunty丁懷抱熟睡...  冬眠?!?!...

大半個鐘後...   到步Aunty丁屋企喇!!!...   可能B囡細B黎過幾次已經好熟識, 所以無乜扭計, 仲喺大床玩得好開心添!!!...   

玩到細B個樣爆晒光 @@" 哈哈...   

B囡摷倒部NDS, 自己亂禁禁禁禁, 竟然入左"養狗game"!!!   仲一玩就愛上, 勁開心, 喪大叫大笑 : 嘩~ wow wow呀!!...     最後玩到無晒電先收手呢!!!  哈哈...   

待Aunty丁執齊野, 就出發過"龜族人新居"喇!!!...       一到步, B囡見倒凝凝姐姐勁開心, 喪大叫 :hello姐姐~ hello~, 而凝凝都好好客, 喪捉B囡入房玩...        嘩嘩嘩~  原來"龜族人"屋企有養貓架!!!    嚇到驚貓嘅Aunty丁死死吓, 哈哈!!     相反, B囡細B就勁勁勁興奮, "兩隻豬"真係好鐘意小動物呢!!!...    多得"薯仔"[貓名]細B學識左"喵喵叫"呢^^  叻叻呀!!!... 

媽媽買左啲顏色筆/薄, B囡 & 凝凝 一人一份, 好乖咁畫畫畫...

影倒B囡又要驚又要睇嘅樣喇 @@" [因為"薯仔"勁肥大, 大隻到呢, B囡初時都誤以為係狗狗 @@"  細B就完全唔驚, 喪追"薯仔", 嚇到"薯仔"入房唔太敢出黎 @@"]...

wakakaka~ 每當"薯仔"出現, 細B就會整個咁嘅樣 + 發出"嗚嗚聲"  @@"...   

貓都怕左B囡細B, 留喺房唔敢出廳 =.="  ...    

越夜越凍, 食飽飽, 坐多陣, 係時候走人喇!!!   哎呀~ 竟然唔記得影大合照就走左 @@"!!!    唔該晒Aunty丁愛人車我地出返"九龍", 仲送埋上樓添, thanks^^    11:30pm 返到屋企, 極速幫細B沖涼/餵奶...   嘩~ B囡真係好攰喎, 一返黎就衝左上床瞓, 涼都未沖就昏迷左, 拍極都唔醒呀 @@" ...