執衫轉季...

B囡第780日大 & 細B第348日大

嘩~ 又黎"一夜激凍", 仲要係好很凍囉  @@" ...     天氣凍凍, 瞓喺張床"暖粒粒", 正常黎講, 暖到唔願起身架嘛!!!     天寒地凍, B囡仍然不忘"深夜大便"[頂~ 昨夜凌晨三點幾喺媽媽床邊"偷泣", 要媽媽帶佢去廁所"痾屎" =.="]...      今早, B囡細B竟然7:00am醒晒 @@"  洗唔洗咁早呀!!  飲完奶又唔瞓返, 玩晒野!!!...      媽媽仲好想瞓架, 都迫住要起身  T^T"   傷心ing...       實在太凍,  吓吓著幾條褲/幾件衫, 日日洗幾機衫, 都幾係野!!!     都係時候要"轉季"喇, 著一件厚衫褲, 勝過著十件薄衫!!!...        唉~  "轉季"真係一項"大工程"!!!!    喪執薄衫入袋 >> 搬起大床床褥 >> 打開床板 >> 攞一袋袋厚衫出黎>> 再喪擺返一袋袋薄衫入去    @@"   想懶都無得懶  =.=" ...       工程進行中, B囡細B"攪攪震"拖慢進度!!!...   極速兩個半鐘原成"轉季", 嘩~ 未計爸b媽媽果啲, B囡細B已經有成四大袋衫!!!   全日喪洗衫/浪衫/乾衫...    "辛苦晒洗衣乾衣機"廿四小時無休囉  0______0" ...

晨咁早"攪攪震"嘅兩位, 瞓晏覺中...  

早兩晚, 同班靚太食"大閘蟹", 媽媽"有心地"刻意買多兩隻"外賣"帶回家"教敬"爸b...     點知...     "條佬"死左去飲酒, 夜一夜都未返!!!!!     到第二日, 全家又出左成日街...      住喺雪櫃嘅"兩隻蟹"已被遺忘 @@"...       今日下午,  打開雪櫃, 嚇見"兩位蟹小姐", 心諗應該死晒, 聽說"篤吓蟹隻眼, 就知生定死", 姑且一試!!   一篤再篤, 嘩~ 雙眼郁, 手腳都郁郁, 竟然雪左兩日都唔死!!!!    勁!!!        嘿嘿嘿...    轉頭就變左媽媽"午餐"喇!!!     呵呵~  真係勁正!!!    好多膏哦!!!!... 

媽媽全日忙於 開機洗衫/浪衫/開機乾衫/摺衫...   唉~ 都仲有二大袋半未洗 @@"...  最過份係, 唔知仲咩近幾日天氣勁潮濕,  早兩日浪嘅衫, 都仲未乾, 而家攪到天台勁多衫迫埋浪, 真係有排都唔洗乾囉 @@" ...   黃昏...   "兩隻豬"沖完涼, 著左  四件衫+一件背心+一件晨褸+兩條褲+兩對襪...   B囡"雪條腳"都唔肯著襪@@"... 

天氣寒冷...     B囡全日喪飲 九支 8oz奶, 細B都飲左 六支 6oz奶呢...    由於B囡只有"三個奶樽"咁大把, 所以媽媽全日喪洗奶樽, 啲水勁凍, 洗到手指痛痛 T^T"...       手指激痛嘅關係, 媽媽"拒絕煮飯"...   "M記萬歲"~~     yeah~...     "兩隻衰豬"見倒薯條開心到傻左...  哈哈~ 影倒細B偷薯條食哦 @@"...      

之後玩多陣, 飲支幻奶就上床瞓嚕...    等飲奶等到傻左 @@...