哈佬喂party...

B囡第761日大 & 細B第329日大

早排喺facebook幫細B參加左個BB halloween party, 今日就係喇!!   由於Party位置喺粉領, 對於現時住九龍嘅我地黎講好遠哦!!!   攪手約好大家12:30pm 粉領B出口等, 媽媽心中預計 車程大約45分鐘, 11:10pm出門口應該可以準時到...   點知...   9:00am   B太婆 無啦啦上左黎, 話要探吓兩個孫, 電話都無個 =.= ...   突然喪拍門, 一入屋就攪到B囡細B喊到癲左, 瘋狂激喪喊  =.=   想點呀?!?!...    最後...  媽媽唯有極速執野換衫...   勁早就出門口囉!!...         B囡細B玩紙巾玩上癮, 日日新鮮日日甘!!!...  

哈哈~ 指揮家...

多得 B太婆 突然出現...  攪到媽媽時間亂晒...   約好12:30pm...  媽媽B囡細B  11:10am已經到步粉領  =.= 樣衰!!!!...   時間尚早, 入M記Hea吓順便食個飽...   時間好快就過, B囡都開始扭眼瞓...   話咁快就到步party場地喇...   好彩媽媽明知辛苦 都堅持要攞埋bb車落樓, 如果唔係B囡都唔知可以瞓喺邊嚕!!!...

細B樹熊上身...  每次媽媽行開幾步, 細B就即刻喪喊, 咩事又咁痴身呢  =.=  ...  

B囡細B都好曳, 唔肯食野呀...  媽媽前後開左三支奶, 三支奶一啖都無, 最後全部倒晒呀!!!!!   勁浪費  =.=" ...  

B囡突然甦醒, 瞓醒又喊過...  唔知點解唔肯飲奶?!?!  最後珍寶珠一出, 即刻開心晒, 仲周圍去同啲小朋友玩添^^  [全場最大b就係B囡 =.=] ...

細B見B囡周圍走, 又跟住一齊疾走...  哈哈哈...

哎呀呀~  救命呀!!!   細B竟然學左B囡發癲瞓地呀 =.=  help... 

依個B囡淨係會蝦細B, 見倒其實bb就勁錫囉...

好~~  人齊~~  開餐喇!!!   嘩~ 啲食物一流好味, 樣樣都好好食呀!!!...   

全日得依一刻笑得最開心, 其餘時間都扭扭扭... 

媽媽有啲唔開心哦!!! 竟然全場人都以為細B係男仔囉!!!   其實細B已經女仔左好多架啦!!!  唉~...     兩個bb...  左女 右男...   到底係咪交換左個樣呀?!?!   哈哈哈...    

B囡又開始突然想發癲...  

自拍一張~   到此一遊架!!!...

party中段...      B囡真係黎料喇...      激喪喊, 爆嘈!!!!...       為免嘈倒其他人, 媽媽就帶左B囡過隔離遊戲室玩...

都唔明依到有咁好玩, B囡死都唔肯返過繼續party...  就係咁...   媽媽細B好無奈咁企左黎依面, 差唔多大半個鐘...  

因為B囡勁扭計, 媽媽心知一定唔可以帶佢地搭公車返屋企...  唯有call van返歸喇!!...   B囡淨係喪扭扭扭, 話要走走走...  媽媽好辛苦至氹倒B囡返過黎, 因為就算走, 媽媽都要過黎攞返行裝架!!!  嗱嗱林影返張大合照先~ yeah...  

  氹左B囡上bb車坐...   van仔到...  就走嚕... 

6:10pm  返到屋企樓下...  B囡勁曳唔肯行上樓, 之前都係自己上樓架, 可以真係好攰?!...   媽媽 前孭細B, 後孭大背郎, 側孭bb車, 另側手抱B囡上樓...  行到二樓已經無晒力...   幸好有位大叔咁啱又返上樓, 佢見我咁慘, 主動幫我搬 bb車&大背郎 上四樓[佢住三樓架], 真係好好人, thanks!!!...  之後...  好唔容易終於返到入屋...  媽媽差啲啲就氣盡身亡...   回氣後, 極速幫B囡細B沖涼/餵奶...   唉~  住唐樓都真係好攰好辛苦...  天呀~ 幾時先可以上樓呀?!?!...