家姐仔 兩歲三個月大...

B囡第774日大 & 細B第342日大

嘩嘩嘩~ 話咁快B囡 二十七個月大 喇!!!!   要繼續健康快樂成長哦!!!...       整體發展都係咁上下, 講野越黎越叻, 最叻copy cat/自問自答...       開始明事理, 講道理都會聽, 不過都要睇佢咩心情  =.=" ...        大個女左, 啲臭脾氣易控制左, 收歛左啲啲, 不過發起癲上黎, 仍然都係一發不可收拾 @@"...        "自行戒片"仍然係無咩進步, 喺屋企會主動要去"尿尿", "痾左屎"都會話比媽媽,  仍然唔可以"唔著片", 因為一"唔著片"B囡就會特登痾尿落地, 用雙腳踩尿/玩尿  0_______0"   出左街就死都唔肯去街嘅廁所, 不過唔緊要啦, 慢慢黎啦, 媽媽唔會強迫嘅 @@" B囡加油!!!...      暫時in左三間幼稚園, 其中兩間收左讀上午班, 另一間如無意外會收讀下午班 [媽媽對B囡好有信心^^  呵呵], 不過因為媽媽心儀果間都仲未開始收生, 所以仲未決定讀邊間, 留位費都無交呢, 若果心儀果兩間唔收B囡, 咁就求奇讀"阿差幼稚園", 到升小學先再搵好學校嚕 @@"... 

B囡細B晨咁旱醒晒, 剛巧B大姨來電問去唔去佢屋企?!    咁悶, 緊係去啦~      極速9秒99執野, 換衫, 出門...      12:20pm   到步B大姨媽屋企^^  一睇凱晴個樣, 就知仲未瞓醒啦 @@" 哈哈哈...    

哈哈~ 一樣樣的"兩姐弟"^^

食完"河粉", 一齊玩"積木"...

食飽... 玩飽...  細B又係時候眠一眠喇!!!...   見細B瞓左, B囡都開始眼瞓嚕....

一個鐘後...  細B甦醒, 到B囡瞓著 [近期出街都鐘意瞓bb車@@"]...

B囡瞓左, 又係細B嘅世界喇!!!!  即刻衝落地勁"生猛", 又攪吓表弟, 又推吓車仔, 喪開心咁周屋走呢^^    B囡係咪真係咁得你驚呀?!?!... 

兩個鐘後...   B囡甦醒, 細B又驚到喪喊, 喪扭抱...   媽媽氹左陣先肯落返地玩喳!!!    睇吓細B個頭, 喊到出晒汗全身濕晒 @@"... 

B大姨媽 入左房餵小表弟飲人奶...    B大姨丈 又喺廚房努力煮餸中...       又係時候"攪破壞"喇!!!   yeah~   摷晒啲"波波"出黎, 喪拋, 喪掉, 喪踢...    "三個小鬼"玩到癲晒, 勁開心呢!!!   哈哈哈...                  

"兩隻豬"又玩到出晒汗  @@"   "清場"後...     開飯喇!!!...    五餸一湯, 白飯任裝~~  yeah~    yummy^^

食飽飽就call車返屋企嚕^^  ...       屋企樓下, B囡又扭計唔肯自己上樓梯 [近期又開始呻細B醋, 喊晒口咁指住細B話, 妹妹都唔洗行 =.="],    媽媽攞住好多野, 根本無手抱埋B囡  @@"     就喺依個時候, 應該係住喺七樓嘅"阿差"剛巧落樓[佢係準備出街架!!],    佢見媽媽攞住大袋野, 又孭住細B, B囡又扭緊計, 竟然主動話幫媽媽攞啲野上樓,  媽媽當然耍手拎頭話  : 唔洗喇!! No喇!! 唔洗客氣喇!!!...       點知, "阿差"竟然一手就搶左媽媽袋野 & 另一手抱起左B囡, 一支箭直衝上樓 @@" ...     嘩~ 嚇到B囡傻左喪大喊, 媽媽聽住B囡嘅喊聲慢慢遠去 [因為媽媽行得慢, "阿差"真係極速上到頂樓架 -.-"]...  哈哈~ 真係超級thanks!!!...   其實"阿差族"都有好人架, 媽媽住左依間"危樓"兩年多啲, "阿差"幫過媽媽搬野上樓, 都有十次八次, 不過唔認得係咪同一個人囉!! 哈哈~ 依個世界都有好多好人架!!  感恩^^]...    去B大姨媽屋企, 點能夠空手而回呢?!?!  又幫B囡細B入左啲貨!!!    長就夾衣x3, 長褲x3, 波鞋x3, 連身裙x1, 牛仔褲x1, 長襪x4, 口水肩x2...    親情價, 放底$400~~  wakakaka~ 抵到笑^^ 呵呵...  

沖完涼...  玩多陣...   飲奶...   瞓覺嚕...