一隻蛋好喇

今次同老婆再去越南, 美食多不勝數, 其中一款較為可怕, 就係鴨仔蛋喇~

呢款野~ 我自小便好鐘意食, 還記得十多年前同老爸去越南時, 佢食左成6隻, 而我食左3隻之後仲想食, 不過老豆就叫我唔好再食喇... 後生仔唔好食咁多...

到左今次, 年紀大左喇, 我叫左一隻黎食, 叫果時卑老婆阻止勁 "啤" 住我, 我又點會卑佢 "凶" 到丫! 老婆最後都講左句:『食一隻好喇~』所以下面幅相果隻而家已經去左大海啦~ 哈哈~

不過經過今次之後我發現我老爸 & 我老婆 都有錯:

(1) 我老爸食完果次之後, 不足一年內都無再食, 而且果次亦都係佢今世人最後一次食鴨仔蛋。但係佢錯就錯在... 後生仔唔食唔通等老先食咩~

(2) 我老婆以為我會食好多隻, 但係當我叫既時候, 我已經諗住只係食一隻, 而且會係最後既一隻lu。佢錯在唔知道我唔會再食。(屈佢錯law, 吹咩)

呢款野~

怕造型核突者‧唔好食

怕膽固醇高者‧唔好食

怕殘忍生命者‧唔好食

其實我老爸同我老婆都係愛鍚我, 我絕對知道。佢地咁愛護我, 我一定要好好對佢地, 我老爸已經行先一步喇~ 只好莊多柱香。而我老婆呢~ 我梗係要鍚晒佢啦~