青少年足球領袖第7堂(17/11)

第7堂是理論課 - 足球球例

今次馮sir叫我地每組設計2個技術訓練及趣味遊戲, 留在第8堂實習用. 佢會每組給予2個題目, 我地個組題目接應地面波 (地面控球). 我地個組阿遠就design一個"之"字形走位傳球及控球遊戲, 我返到屋企就加入射球的元素, 明天第8堂想自己試下組織及試教一下. 希望可以啦.

跟住黎sir及張sir就抽2組出黎present, 講解下佢地組織及設備及訓練目的. 我個組當然無抽出黎, 其實我都想抽出黎講下野. 試下ma. 唔緊要啦! 希望明天可以試下帶隊, 實淺下我個改良design. "之" 字形傳球走位再射門, 應該幾好玩.

休息後張sir就講解下一d簡單球例, 好輕鬆, 因為唔使考. 其實都知道七七八入! 考完球証咁耐, 又做過咁多次球証, 上研討會, 場地實習, 加埋成日考核, 點會記住得丫! 

今日就抽籤考試題目, 唔知好唔好彩我抽到"頭球"! 一時我都諗唔到有d乜可以玩. 上次實習教頭球我又去錯地方. 死啦! 落堂後緊係問下黎sir啦, 佢好好人, 教左好多佢d經驗俾我. 馮sir都俾左多少意見. 叫我快d返去度定個plan. 今晚我就要度好, 聽日再問過. 哈哈!