全靠晴晴b～

今年生日正日晴晴要入院照腦，d姑娘同醫生折磨左佢大半個鐘先放返佢出黎！！因為要係佢隻手隻度吉個「斗斗」方便入藥，但係佢地竟然搵個新醫生黎幫晴晴整！仲要係由姑娘事前話佢知用邊款針整囉！！！仲要係餵左晴晴食訓覺藥水之後去整！食完都勁眼訓喇，訓著之際俾人吉返醒！搞到個傻豬喊到九彩！吉左足足大半個鐘先搞掂，俾返個囡我…

等既時候真係好心痛，好想喊…一個得４個幾月大既bb俾人咁吉法…你大人吉都痛啦…更何況係個bb？！成日都話bb唔知痛！佢唔係唔知痛，而係好快忘記痛楚唧！！

等佢照既時間唔係好耐，照完之後上返房，等佢訓醒食埋奶冇事就走得！

我同劉生不知幾想快ｄ走呀！！！如果唔係上次腦膜炎驚佢有事，都唔會俾佢照呀！！又要打埋顯影制，好在佢冇敏感唧！

搞掂晒之後就搭車落觀塘買少少野食～跟住就返屋企lu～因為我生日，劉生家姐同未來姐夫都返黎食飯～

食得好飽呢～又有蛋糕食～正呀～

不過…死啦…我仲未喊到肥呀！！！！！生完到依家就黎５個月啦！！！好傷心呀

今年第一年唔係同屋企人過生日，不過我地約左係第二日去食自助餐～

劉生同阿妹都係３號生日，同我岩岩好差一個星期，所以我地３個一齊慶祝！當然係Daddy俾錢啦～

食自助餐係因為晴晴抽到既～我地有３個選擇～1.打邊邊 2.食放題 3.自助餐～Daddy話整三張紙隻俾晴晴抽，抽中就食果樣，點知俾晴晴抽中食自助餐～呢位公公梗係冇得say no啦～

P.S.:d相相係阿妹度～問阿妹拎返先得～

聽日就係劉生同阿妹既生日啦～仲有我奶奶既生日呀～我奶奶係生日果日生劉生架！即係係我身邊至少有３個人係１１月３號生日！劉生仲請埋假添～聽日生日放自己一日假喎～俾個傻佬激死