韜韜Happy B'day + 拍拖3週年紀念

2009年11月8日

係我honey 韜韜 既生日嚟! honey ....

其實今日除左係韜韜既生日之外, 其實亦都係我地一齊左既第3個年頭啦!

拍拖3週年紀念日

猛料猛料

3年+個半星期之前, 我同韜韜&另一位朋友一齊去左台灣旅行, 而個旅行令我同韜韜加深左對大家既認識, 去完旅行返左嚟1個星期多d之後, 我就係佢生日個日.... 一齊左啦! 想唔想知多d呢? ....... 好, 就等我爆d出嚟啦!

仲記得個日我地去左R66旋轉餐廳食飯, 之後係回家既路程, 發覺有d唔對路...韜韜揸車越揸就越慢, 當時我心諗 "你唔係打算係高速公路到停車呀?" 當然佢無咁做啦, 係臨到我家仲有1分鐘既路程, 佢就好驚又好快咁同我講 "不如你做我女朋友呀", 我亦好快咁答左 "好"!  我地就係咁開始左啦!

事後我地都有講番而一日既情景, 原來韜韜真係有打算係高速公路到停車停埋一邊打死火燈, 再問我肯唔肯做佢女朋友架!!!! ... 雖然最後佢無咁做, 但我知道左後, 個心都好sweet囉!

今日我地既schedule係會同埋細佬&佢女朋友一齊既:

先去機場"飛行服務隊開放日" >>>> 大圍重慶雞公煲

唔講住啦, 聽日見!!!!