網誌分類：未分類 |
本來我唔想係呢個網誌POST 一些同漫畫冇關的事，但因為這間公司的手法實在太卑鄙，所以不吐不快。
Case 1
話說我原本用PxxC的流動電話服務，一向接收都好一般，在家裡有99%時間接受不到，於是便於3月底轉到另一個網絡商去。
點知在4月3日收到他們的電子賬單，要求我支付4月份的服務費。我已即時聯絡PxxW的客戶服務部，他們稱因我以信用咭轉賬，故當時沒有足夠時間截數，叫我先付款，並於4至6星期後退回金額到我信用咭戶口。都冇辦法啦，唯有等。
至7月4日我收到信用咭月結單，但仍未見有退款；我便再電PxxW客戶服務部查證。起初他們的職員堅稱電腦系統顯示已退50%款項到我的戶口。及後她又再來電說原來未退，她即時替我跟進，但仍要等4-6星期。你話幾無賴！明明冇退又話有退，簡直係混水摸魚！如果我唔睇月結單，那百幾蚊就必定會化為烏有！
Case 2
另一單就更無賴，完全係"監chunia"！
我是用那間用電話線上網的寬頻網絡商，適逢合約到期，他們有職員致電來續約。反正月費平左$2，我便答允。他說現在續約可獲贈PxxW的2G咭一張，送500分鐘，但要付$12政府牌費。我剛剛才被這間公司搞到咁勞氣，仲邊會用喎！已經即刻叫佢唔好俾我，我唔會要。
點知半個月後就收到張SIM咭，當時火都黎埋，有冇咁監硬黎呀！於是即時打去PxxW客戶服務部叫佢CUT左張咭，那位小姐話已幫我取消，又話唔駛俾任何費用，點知再過多十幾日又收到佢地張月結單，話要收我兩個月的政府牌費。有冇搞錯呀！老屈明搶啫！！我又打去PxxW客戶服務部，另一個小姐話會幫我取消個付款通知，仲俾埋個Job ref. no. 我，但佢地有前科架！我點知一陣會唔會下個月又寄張單黎追我數？
其實唔係金錢的問題，兩單case加埋都唔夠二百蚊，但係原則的問題，消費者權益的問題！真係好慶，於是頂唔順去消委會投訴。不過我一個在消委會做的朋友話，呢間網絡商近期投訴急劇遞增，有一個case這間公司收多客戶$1000多元，報左消委會，拖了幾個月都冇跟進，都唔知佢地點做生意架！
所以大家要轉台揀網絡商時，唔好俾d廣告厄，自己小心D！
小肥媽 2008-07-30 21:08
兔媽Joanna2008-07-31 21:37
哈哈, 我都成日投訴架，首選九巴，成日返工那架巴士都唔準，又用埋d舊車，大程坐45min架~ 真係坐到腰骨痛...
呢個case我去左消委會啦, 但佢地話最近太多case都暫時未跟進到...唉~~
︿*月夜↑ 2008-07-21 12:14
.....好彩Miss你提一提...啱啱想轉去PxxW...E+呀媽話唔鬼轉喇...
兔媽Joanna2008-07-21 22:14