我喜歡內文中的『一個人』

好耐之前係收音機聽過一段說話!估唔到今日比我搵倒~D人話係戀愛起義o既結尾!但係我唔知...因為我未睇過lee套戲...



最近我做左好多唔應該做既事
鐘意左一個唔應該鐘意既人
等一個唔應該等既所謂機會
side左一d唔應該side既時間
諗埋一d唔應該諗既野
去左一d唔應該去既地方
食左一d唔應該食既野
番左去一個唔應該番既屋企
同埋上過一張唔應該上既床
然後大家又做左好多唔應該做既事
之後大家都覺得唔應該再咁繼續落去
唔知道自己想點 淨係知道自己唔想點
例如 唔想比其他人知道我同佢之間既事
唔想大家走黎走去唔知為乜
唔想你搵我 我搵你
唔想唔誠實喇
唔坦白 唔見得光 唔想有秘密
都唔係好想知道其實大家有幾鐘意大家
總之高興就得勒
我唔想太認真喇 但係又唔想玩玩下
我都唔係好想知道一d我唔應該知道既事
其實我同佢應該係見少d面好d
唔應該鐘意 唔應該傷害
唔應該發生既
唔應該開始
唔應該結束
我知我唔應該再搵佢
但我又好想知道佢會唔會因為我而唔開心
每逢我一個人既時候 我就o係度諗
到底我自己應該想點
最近我好鐘意一個人 自己一個人
一個人四圍去 一個人開工 一個人收工
一個人去食飯 一個人去飲野
一個人呢埋o係屋企亂禁個搖控
夜晚一個人上網 有時一個人跑步 一個人打機
一個人去做gym 一個人去卡拉ok
一個人去睇戲 間唔中一個人砌下模型 星期六晚一個人去party 跟住一個人聽歌
一個人跳舞 一個人流汗
一個人離開 一個人上車
跟住一個人番屋企
一個人開心唔開心 大笑大叫
連續好多日都係 一個人
一個人有個好處就係
唔洗有任何責任 唔洗有咁多包袱
每日二十四小時都係屬於自己
個世界幾時開始 幾時停 完全係我一個人話事
我鐘意去邊就去邊 做乜野就做乜野
諗乜野就諗乜野 我鐘意點就點
總之 我鐘意就得勒
我鐘意一個人
其實我唔係好肯定
我係鐘意一個人 定係鐘意兩個人
有件事 我一路都諗唔清楚
就係我同佢一齊開心d 定係我自己一個人開心d呢?
呢個問題似乎一個人係搵唔到答案

最近我時時都係一個人 得番一個人
無無聊聊又一個人喇 行行企企一個人
開心唔開心都係一個人
自己 一個人 諗起兩個人既畫面
我地一齊食飯 一齊行街
一齊番屋企 一齊生活
用同一條毛巾 用同一隻水杯 飲同一啖水
上同一張床 一齊開心
一齊開始 一齊停
跟住 又一齊去食飯 一齊去行街
一齊過馬路 一齊停底
一齊番屋企 用同一個洗手間
上番同一張床 做番同一個動作
一齊無無聊聊又一個下奏
跟住一齊睇vcd 喇 一齊hup下喇
一齊諗下將來 一齊傾計
一齊諗下之前發生乜野事
一齊諗下之後又發生乜野事到底應唔應該一個人呢 定係兩個人好d
一個人開心d 定係兩個人開心d
一個人...兩個人...

我唔敢講我做足曬,諗足曬...
但係我夠膽講我做的和想的...冇8成都有7成...!