棒棒棒，毛毛冇哂

相信好多女仕都為上唇的汗毛(o拿!注意係汗毛唔係鬚。最憎d人話人有鬚。男人先生鬚架！)而煩惱過。我試過去做埋laser都搞唔掂(佢地解擇係因為太幼又冇色喎，不過"加拿大"位就做得好滿意，唉！扯遠左忝)，一路都死死氣用tweezer一條條甘鏟除佢地，直至...

話說我唔知係邊到見到人講過枝神奇脫毛棒，個日俾我係yahoo auction見到$20枝，心諗咁平試下都冇壞。昨日收到啦啦淋試，初初好似冇乜料到(唓!又話超人氣o既!)不過當我睇清楚個說明再一"look"，嘩！感覺到一"jup"毛毛被扯未左，眼水都標埋！再"look"幾"look"慣左後又覺得好神奇。佢正在連肉眼見唔到的毛毛都"look"走埋，摸落好滑！3個正！最正係你唔需要照住鏡整，可以睇住電視"look"(需然怪相d)。重有佢話個原理出自古代線面喎，計我話一定係有個傻仔有一日拿住條彈弓無無了了"look"面而發明既。

佢個真名叫多能牌臉部除毛器，大陸出品台灣走紅個名係咁上下架啦。日本就叫epistick，cute好多，重有2個size忝。