渣打第八星期訓練——學懂均速

第八週訓練量高，仲有兩課特訓，而且經過七星期超量訓練，與及上星期學校開放日，個人好攰。就係因為攰，我願意唔帶頭，跟人跑，結果掌握得到如何跑均速，並可以在最後階段有力衝刺：

18/1：39k特訓+2k jog，基本上是跑五轉寶雲道。經過兩日學校開放日，感覺疲累，擔心自己跑唔完，於是全程跟人跑。頭三轉慢少少，都算跟到大隊。第四轉個人醒咗，跑番起。到第五轉仲可以加速完成，這次我深深體會到跟人跑的好處。

19/1：15k jog，時間1:25'45（5'42@k）。

20/1：4800m x3+7k jog。一個近乎全馬的特訓後，個人仲攰，所以全程和跑友Raymond一齊拍住跑，輪流帶頭。頭兩轉平均圈速1'36，分別用19'18及19'15完成。最後一轉又可以加力，結果用18'49完成，平均1'34一圈。

21/1：10k jog，時間58'50（5'52@k）。

22/1：1000m x12。都仲未攰完，所以都係小心控制速度。特別係第六轉覺得好攰之後，我立即跟住跑友Lawman一齊跑，等佢用均速幫我跑，最後一轉又可以加速完成。平均每轉3'44@k，1'30@400。

23/1：15k jog，時間1:23'43（5'34@k），感覺無咁攰了！

24/1：26k特訓+4k jog。雖然路程短了，但教練提我哋唔好掉以輕心，好多人就係因為咁而唔能夠完成，所以我都係小心d，雖然都要幫手帶頭，但係都以均速去跑。跑到中間雙腳的ITB都有痛，擔心自己不能完成之際，我就墮後放鬆跑，之後就無事，仲可以幫手帶頭。就算最後幾圈有人先衝上前，但我都無加速，到進入加速圈時，我先慢慢加速，結果順利完成。

本週總里數：147k

總結：終於完成高里數訓練，雖然辛苦，但係值回票價，而且終於體會到均速的重要，學懂跑均速同跟人跑的竅門，在此要多謝師兄鐵人同Lawman不斷提醒，同組跑友黃吉、Raymond、David同Jetso等人拍住上，令我明白均速的重要。