我變！我變！我變變變！！！

好耐冇上嚟呢度update，哈，次次都係呢句開埸白 ！

其實都係因為生活比較枯燥，冇咩可以喺度分享！不過尋日睇咗朋友嘅blog，又覺得原來可以同朋友share一下生活點滴，其實可以感覺好好！我要再次養成呢個習慣！

對上一次寫blog已經係新年，呢幾個月生活冇咩大起伏，但公司就發生好多事！公司嘅核心人物～ＢＢ終於離開咗，係因為好嚴重嘅操守問題而被解僱，唔比人拉佢算好彩！由３月開始有嘢發生，搞咗個幾月，到５月我哋分行先叫做正常番啲！對我哋counter其實影響唔係太大，反而唔駛sell咁多，都幾好！但係睇住老闆嗰副面口先難頂，朝朝開會仲"懶"係字正詞嚴咁一邊話唔好做違規嘅生意，一邊包庇佢條女（即係ＢＢ）話佢好心做傻事，做咩都係為間行．．．嘩，真係多咩謝呀！佢都係為咗可以上第一咋，啲incentive都係佢自己袋袋平安，分比行啲獎金就永冇落我哋袋，去晒老闆啲飯局呀，拜神呀，風水呀咁囉！ＢＢ嘅所作所為，公司有８成同事都知架啦，點解老闆仲要朝朝喺度表現，做show！想洗我哋腦？慳啲啦！

而家公司都唔知似咩，人又唔夠，永遠得６個人坐８個位，如果有同事放假就更加不知所謂！有啲同事又唔合作，有啲同事又好冇heart，做完自己啲嘢就算，永冇額外付出多一點點，搞到我好多時都好冇癮！我想做好啲，做個好榜樣，但係啲人可能覺得我"on 居"．．．而家返工已經投入唔到，亦無謂留咁夜，不如早啲返去睇＜畢打自己人＞！！！

我真係好想改變，不論工作，人生．． I need to CHANGE！！！