網誌分類：未分類 |
圖片
網誌日期：2008-11-30 14:57
聽日就要返工喇，都冇咩唔想，放咗咁耐都抖夠啦！！！
尋日Joey邀約話去行吓山！見佢興致勃勃，而我又難得星期六唔駛返工，於是去咗！我哋都應該多啲郁吓！
我哋約咗１０點，目的地係大風坳（我都係行行吓先知原來有目的地
）！喺Joey屋企附近出發！其實我哋所謂嘅行山都係諗住悠悠閒咁行吓嘅啫，不過可能平時真係少郁動，行咗少少已經氣喘，唔係好講到嘢．．．好屎呢！
不過由於得我哋兩個，可以真係慢慢行！唔似平時去行山，人多，要人行吓等吓就唔好啦！雖然有點吃力，但最終都去到目的地，感覺好滿足！！沿途仲見到隻可愛小狗～Toby，佢真係好乖 仔，成日眼碌碌望住人，如果下次再有機會見到佢，我會同佢影多幾張正面相！！
我哋全程行咗兩個鐘度啦，慢行呀嘛，係咁架啦！！哈哈！！！返到屋企我就笑唔出，唔知點解小腿前面嘅位置好痛，一提腳就痛，痛到唔係好行到，貼咗好幾塊撒隆巴斯都好似冇咩效．．．後來偉大嘅姑媽為我準備咗一個熱水袋，"夫"咗一晚好好多，感覺好似救咗我一命咁！！！
雖然受咗咁多苦，但我唔會怕咗，嚟緊日子有時間我都會keep住行，加油！！！
joeymeme 2008-12-01 21:48
add oil~~~~
得閒抄番你果日影d photos俾我la~~~~~~~~~~
凍檸茶 2008-12-01 11:55