網誌分類：未分類 |
圖片
網誌日期：2008-04-19 16:46
失驚無神竟然打風,咁啱今日輪休,對我都冇咩影響,唯一擔心唔知窗邊會唔漏水???哈 ~ ~ ~ 以前好鍾意打風嘅日子,一嚟好涼爽,二嚟聽住啲風雨 "呯呯呯" 咁打落啲窗度,或者開少少窗,聽住啲風"呼呼呼"咁叫,都係一件好過癮嘅事!
呢排都唔係咁得閒,公司人手極度唔夠,有個同事(下稱"醒目仔")返大陸玩小型賽車,意外導致左手骨折,要打石膏,好似話要攞假起碼一個月......我哋眾同事聽到之後,除咗無奈,都有少少憤怒!平時呢個醒目仔已經唔係咁得人鍾意,尤其係本人,我實在頂唔順佢平時嘅工作態度(詳情容後再講),而家仲因為"玩"到受傷而返唔到工!!!oh NO ~ ~ ~而家公司長期唔夠人,10個位永遠得7個人坐,有啲同事一身兼數位,本身編咗嘅假都要押後...總之一個字:唉!
另外,有兩個同事要離開,一個已經走咗,一個就返埋下個禮拜!後者我稱之為"火火"(因為佢成日都好火!
)"火火"嚟咗兩年幾,同佢都唔多似同事,好似多咗個細佬咁,佢有時好小朋友,尤其以前同埋"keroro"(另一個舊同事)一齊嘅時候;有時佢對事情嘅分析又好似好成熟!(多謝佢電腦上幫咗我少少)而家佢走埋,公司聲音又再少一點點了!
P1000782.JPG
P1000776.JPG
P1000733.JPG
傻姑 2008-04-19 23:56
傻姑 2008-04-19 22:56
~極~力~
~推~介 ~
<<好回家>>
放低一下工作的煩惱, 好好享受回家的路.
傻姑 2008-04-19 22:46
邊個咁唔"醒目"激親我地Jo冼.