可力、華田、美祿尋家(華田及美祿已被領養)

搬屋已進行得七七八八，要快d貼下d待領養小貓近況先，唔好因為我搬屋而影響左佢地被人領養的機會，小貓都大得很快，健康活潑，終日在你追我逐。

可力﹕姐姐我係你屋企發現左隻老鼠呀!

華田﹕邊到有老鼠呀?駛唔駛我黎幫手呀?

美祿﹕老鼠我好驚呀!快d躲入屋先!

華田﹕捉老鼠捉到好累呀!等我訓返陣先!

美祿﹕我同你一齊訓呀!如果一陣再有老鼠都無咁驚!

可力﹕你地兩個訓先啦!有老鼠我會睇住架勒!到時再搵你地幫手捉啦!

待領養小貓資料﹕

可力，女仔，約3個月大，來自藍田區垃圾房，因常被清潔工人及街坊追打，性格有些怕人，其原有一兄弟，唯被人下毒毒死，現成為孤兒，可力有幸能逃過厄運，希望快些有人可以比到個家佢啦!

華田，男仔，約2個月大，為黃大仙區流浪貓，原有一哥哥，可惜被流浪狗咬死了，當華田也在狗口邊緣時，得到街坊發現及時救回一命。年紀少少的華田，性格活潑，常跟其他貓貓一起玩過不停

美祿，女仔，約2個大，為黃大仙區流浪貓，與貓媽及其他兄弟姐妹失散，屬個兒在原地草叢等待牠的家人來接牠，這樣一等便等了大半天，上班的街坊在早上上班時已發現牠在草叢內呱呱大叫，晚上放工再來看牠，這個小朋友依然還在等待，天大地大連牠自己也不知可往那裡容身。此時我正路過，便為這小朋友提供了暫時的安身之所，希望牠能快些找到一個真正屬於牠的家!

3隻貓貓健康良好，已打第一支預防針，如有意領養請電96574824尤小姐，一對領養優先!

請各blog友幫幫忙，協助轉載!萬分感謝!